甘味讚岐手打烏冬 (已結業)

今次同朋友一齊黎，叫左三碗麵，分別係鐵板牛柳粒蕃茄湯烏冬、滑蛋蟹籽蟹柳手打烏冬同埋炙燒豬頸肉湯烏冬。首先講下個鐵板牛柳粒蕃茄湯烏冬，呢個係3個之中最好食既，真心推介比大家。個蕃茄湯底好濃，加埋d鐵板牛柳粒夠嫩唔會太熟或者太紉。另外就係滑蛋蟹籽蟹柳手打烏冬。D溫蛋同蟹柳好夾，但係就同個湯底唔係幾match，如果轉左做個蕃茄湯底可能會好d。最後就係果個炙燒豬頸肉湯烏冬，d豬頸肉同個sauce好夾，個略為唔夠林，如果林d就好d。呢款同個滑蛋蟹籽蟹柳手打烏冬一樣，滑蛋蟹柳同豬頸肉都同個湯底唔係幾夾，如果轉個另一款會好好多。3碗烏冬既麵質都好好，明顯食得出係手打既，同普通既烏冬有分別。不過每碗既份量好似就少左d，食完都唔係好夠飽，價錢又偏貴，但係服務好好，坐左好耐都冇趕我地走。都值得推介比大家一試。