蕃滿門 (已結業)

今日起Emax睇完戲都差唔多1：45，起Emax行咗個圈之後覺得依間嘅Menu睇落好食得嚟價錢又唔算貴，於是決定試下依間。你起收銀度俾完錢之後，佢會俾個感應器你，然後你可以自己揀位，感應器響之後再自己出去拎野食。蕃茄濃湯公仔麵拼牛乳滑蛋配香煎漢堡扒($45）佢lunch set每個餐會跟一杯飲品(凍飲加$3)，我等咗唔夠5分鐘個餐已經準備好。佢依度有得揀麵嘅種類同湯嘅辣度，碗麵算大碗，湯底我揀咗微辣，碗麵面頭鋪滿咗大量嘅蕃茄同少少炒到好淋嘅洋蔥，個湯充滿住濃郁嘅蕃茄味，唔會好酸，飲完都唔會好口渴。不過可能我一開始冇攪勻個湯底，所以愈食愈辣。滑蛋真係做到滑嘅效果，可惜係唔熱嘅。漢堡扒似M記豬柳蛋漢堡嘅豬柳咁，不過厚身d，味道偏咸偏辣。麵佢煮得比較硬身，嚟到果陣仲keep到正方形，不過係可接受嘅硬度嚟，何況公仔麵係冇可能會難食。我加咗$3叫咗凍檸茶，唔知點解佢檸茶係冇落切片檸檬，雖然都係有檸檬味，不過感覺似台式嘅檸檬綠茶多過港式檸檬茶，但係好飲嘅。整體嚟講，蕃茄湯粉非常之推介大家試，而我絕對會encore依間鋪。配菜嘅話可以試下豬頸肉，偷食咗朋友一舊發現好食過漢堡扒。佢嘅豬頸肉係薄切，上