影片
更多
2021-03-12
279 浏览
元朗的高質蕃茄小店🍅！上次去大棠睇紅葉之前食咗個簡單午餐🍁呢間店係朋友搵既🍅佢話想試下因為難得去元朗（ps其實佢麻麻地蕃茄但佢知我鐘意 好貼心謝謝你🍅❤）咁所以我地就試咗呢間TOMATO OTMAOT個店名都幾搞笑我同朋友一直都諗唔明點解要調轉咁寫個名🤔🤣餐廳地方不大但擁有2層座位上次我食坐咗喺上層上層啲牆身貼咗幾幅蕃茄公仔既掛畫都幾可愛！同埋好貼合佢地個主題🍅🍅🤣！🍅芝士蕃茄濃湯螺絲粉配香煎雞排＄55：包咗熱飲～呢份餐話平唔平話貴唔貴，但真係都幾高質，都食得過😆❤！先講下個蕃茄湯，因為係呢度主打所以我對佢都有大期望～佢本質上好似羅宋湯，湯底偏向濃郁稠身，蕃茄味道甜酸適中，蕃茄蓉明顯食出有好多🍅，仲有啲洋蔥片同紅蘿蔔粒咁～上面塊芝士就係普通既片裝芝士加少少香草上面🧀，同我預期都基本上一樣，正正常常咁，但呢個湯底配螺絲粉就認真好夾👍🍅❤！雞排，好有surprize！雖然一般餐廳既雞排都唔會差得去邊，但呢度就真係要讚～！我諗係即叫即煎，上枱熱辣辣，同埋雞排原先已經切好開件方便客人食～幾貼心haha😆！一用叉一吉件雞排就聽到塊皮煎到脆卜卜，外層煎香至金黃色，雞肉本來好嫩滑又好juicy，所以
上次去大棠睇紅葉之前食咗個簡單午餐🍁
呢間店係朋友搵既🍅
佢話想試下因為難得去元朗
（ps其實佢麻麻地蕃茄但佢知我鐘意 好貼心謝謝你🍅❤）
咁所以我地就試咗呢間TOMATO OTMAOT
個店名都幾搞笑
我同朋友一直都諗唔明點解要調轉咁寫個名🤔🤣
餐廳地方不大但擁有2層座位
上次我食坐咗喺上層
上層啲牆身貼咗幾幅蕃茄公仔既掛畫
都幾可愛！同埋好貼合佢地個主題🍅🍅🤣！
46 浏览
0 赞好
0 留言
🍅芝士蕃茄濃湯螺絲粉配香煎雞排＄55：
包咗熱飲～
呢份餐話平唔平話貴唔貴，但真係都幾高質，都食得過😆❤！
先講下個蕃茄湯，因為係呢度主打所以我對佢都有大期望～佢本質上好似羅宋湯，湯底偏向濃郁稠身，蕃茄味道甜酸適中，蕃茄蓉明顯食出有好多🍅，仲有啲洋蔥片同紅蘿蔔粒咁～上面塊芝士就係普通既片裝芝士加少少香草上面🧀，同我預期都基本上一樣，正正常常咁，但呢個湯底配螺絲粉就認真好夾👍🍅❤！
雞排，好有surprize！雖然一般餐廳既雞排都唔會差得去邊，但呢度就真係要讚～！我諗係即叫即煎，上枱熱辣辣，同埋雞排原先已經切好開件方便客人食～幾貼心haha😆！一用叉一吉件雞排就聽到塊皮煎到脆卜卜，外層煎香至金黃色，雞肉本來好嫩滑又好juicy，所以真係好好食呀❤🐔👍！～～雖然啲雞排煎得太香油膩咗少少但整體呢個set好正！我好鐘意🐔🍅❤！
值得encore！
同埋我見佢都不斷有熟客入座～
呢間餐廳應該區內都幾受歡迎😆😆👍！
·
张贴
