影片
更多
2013-11-02
320 浏览
作為一個相信食蕃茄會對身體有益而又住喺屯門既為食貓，知道屯門開左呢間野都一排，但無時間去試，今日難得得閒就同屋企人食左，果然唔錯！不過份量就比較大，細胃／普通胃嘅三個人叫兩樣野都加個小食夠晒皮。蕃茄焗豬扒飯嘅豬扒係炸既，但係Ｄ飯多到喊，所以本來平時可以吞埋人地果份既我都唔多夠位。Secret Tomato Sauce伴帆立貝意粉既帆立貝就真係幾多，個汁應該有少少辣椒籽舂碎同埋Oregano，中文唔知叫咩。另外芝士西蘭花就無乜點汆水，所以就濕滴滴，至於WASA-WASABI牛脷粒就正囉。雖然老豆投訴牛味比D梳打粉喇左好多走，但係就係因為咁，舊牛脷外脆內軟，汁又好味，high少少WASABI都唔覺好辣，唔多食得辣嘅女仔都可以試下。分上下層，上層有條橫樑壓頂，同比較細。上菜速度還好，一大棚朋友黎食就岩，傾一陣計就有野食。D冷氣就忽大忽細，食野個身就熱，流汗流得多，但食完又見凍……大媽樂既份量如果係100%，咁呢間就係150-160%，但大媽樂價錢係100%，呢間係120-130%，細胃人士請同朋友黎食。不過咁，唔使等位就已經砌低晒市中心果班串實實既偽高檔餐廳啦～～有機會返黎返啅……
今日難得得閒就同屋企人食左，果然唔錯！不過份量就比較大，細胃／普通胃嘅三個人叫兩樣野都加個小食夠晒皮。
蕃茄焗豬扒飯嘅豬扒係炸既，但係Ｄ飯多到喊，所以本來平時可以吞埋人地果份既我都唔多夠位。
Secret Tomato Sauce伴帆立貝意粉既帆立貝就真係幾多，個汁應該有少少辣椒籽舂碎同埋Oregano，中文唔知叫咩。
另外芝士西蘭花就無乜點汆水，所以就濕滴滴，
至於WASA-WASABI牛脷粒就正囉。雖然老豆投訴牛味比D梳打粉喇左好多走，但係就係因為咁，舊牛脷外脆內軟，汁又好味，high少少WASABI都唔覺好辣，唔多食得辣嘅女仔都可以試下。
分上下層，上層有條橫樑壓頂，同比較細。上菜速度還好，一大棚朋友黎食就岩，傾一陣計就有野食。
D冷氣就忽大忽細，食野個身就熱，流汗流得多，但食完又見凍……
大媽樂既份量如果係100%，咁呢間就係150-160%，但大媽樂價錢係100%，呢間係120-130%，細胃人士請同朋友黎食。
不過咁，唔使等位就已經砌低晒市中心果班串實實既偽高檔餐廳啦～～
有機會返黎返啅……
题外话/补充资料：
食完仲可以過隔籬超市買下心儀野再返屋企~
(以上食记乃用户个人意见 , 并不代表OpenRice之观点。)
张贴