影片
更多
2016-09-05
612 浏览
經朋友的推介，黎到呢間位於工廠區的餐廳食特色四層鍋。雖然位於工廠區但交通好方便，港鐵站出5分鐘內就到。一坐低當然要先叫個主打的四層塔鍋，同埋海鮮併盤啦。基本上環看周圍，基本上每一枱人都會叫呢個配搭。 個鍋未黎前，先叫左兩款小菜食住先： 泡椒尖荀 ($38)細細尖尖的長條尖荀好嫩口而且冇渣，咬落少少爽口。味道辣中帶少少的酸味。 尖椒重慶皮蛋 ($38) 平日少見呢隻色的皮蛋，色澤金黃透明，口感較彈牙少少，蛋黃係流心的狀態，而且最重要係冇平時食開的皮蛋咁重"壓"味，配上麻麻辣辣的醬汁同新鮮的尖椒，非常香辣惹味。 蒸燒鍋四層塔 終於出場啦 既可以食到海鮮鍋，又可以烤肉，而且仲可以打邊爐，真係可以滿足到唔同人的要求。 頂層係一個小蒸鍋，可以試下現時流行的蒸氣海鮮鍋，蒸下海鮮；下一層就放左炸好的椒鹽豆腐；第三層係一個小烤板，可以放肉片或海鮮上去慢慢烤熟；而最底層就係火鍋啦，而且仲係可以放到兩種唔同的湯底，而我地就叫左芫茜皮蛋同埋麻辣湯底。 海鮮併盤 ($398) 有四人份量的超大盤海鮮， 包括有新鮮的海蝦，貝類，海螺，青口，龍蝦，鮑魚同埋肥大肉厚的原隻日本鮮魷。所有海鮮其本上係已
一坐低當然要先叫個主打的四層塔鍋，同埋海鮮併盤啦。基本上環看周圍，基本上每一枱人都會叫呢個配搭。
個鍋未黎前，先叫左兩款小菜食住先：
泡椒尖荀 ($38)細細尖尖的長條尖荀好嫩口而且冇渣，咬落少少爽口。味道辣中帶少少的酸味。
尖椒重慶皮蛋 ($38)平日少見呢隻色的皮蛋，色澤金黃透明，口感較彈牙少少，蛋黃係流心的狀態，而且最重要係冇平時食開的皮蛋咁重"壓"味，配上麻麻辣辣的醬汁同新鮮的尖椒，非常香辣惹味。
蒸燒鍋四層塔 終於出場啦既可以食到海鮮鍋，又可以烤肉，而且仲可以打邊爐，真係可以滿足到唔同人的要求。
頂層係一個小蒸鍋，可以試下現時流行的蒸氣海鮮鍋，蒸下海鮮；下一層就放左炸好的椒鹽豆腐；第三層係一個小烤板，可以放肉片或海鮮上去慢慢烤熟；而最底層就係火鍋啦，而且仲係可以放到兩種唔同的湯底，而我地就叫左芫茜皮蛋同埋麻辣湯底。
海鮮併盤 ($398)有四人份量的超大盤海鮮， 包括有新鮮的海蝦，貝類，海螺，青口，龍蝦，鮑魚同埋肥大肉厚的原隻日本鮮魷。所有海鮮其本上係已鋪上蒜蓉青䓤，直接放上小蒸鍋蒸熟都已經夠味，或者亦可用作打邊爐都得。
龍蝦雖然唔係太大隻，但都鮮甜彈牙；
爽口又彈牙的新鮮飽魚；
鮮魷真心非常厚身彈牙，而且好鮮甜；
韭菜餃併鮮蝦雲吞($48)呢到啲餃都幾出色，大大隻而且皮好薄。韭菜餃的菜肉比例剛好，食得出韭菜非常新鮮；而雲吞啲蝦比肉多，而且蝦肉彈牙。
四寶丸 (豬肉+牛肉+蝦丸+墨魚丸) ($98)四款手打丸都幾彈牙，而且唔會有的唔新鮮的肉味。個人首推豬肉丸，食落會有少少的肉粒咬口，冇肉"騷"味。
本地手切牛頸脊($158)一見鮮紅色的牛肉就知係新鮮。灼幾秒就食得，重牛味而肉質唔會太"柴"。
另一種食法當然就係烤啦。烤熟的牛肉更香，正！
唐生菜 ($28) + 通菜 (跟餐送)
酸菜烤鱘龍魚 ($378)在老闆推介下叫左一條剛剛新鮮返的鱘龍魚。呢次係我人生中第一次見同食鱘龍魚，外型有啲似細細條的沙魚bb, 嘴尖尖咁，都幾大條。雖然大條，但肉質比想像中嫩滑唔會"鞋"口，又唔係太多骨， 肉質彈牙鮮甜。條魚先煎左一煎，再放係鐵盤上，加上酸菜，牙菜，菇類，薯粉同埋其他配料香料等一起煮，湯汁酸酸辣辣, 更帶出魚的鮮味。
张贴
