緣味小聚 (金百利廣場) (已結業)

一行5人本來約咗去銅鑼灣「緣味小聚」食蒸氣鍋，點知有3個朋友臨時有事嚟唔到，得返2個人食，咁我地又想等齊人先食海鮮蒸鍋，見到餐廳有小菜供應，所以最尾轉咗食小菜。小菜餐牌選擇唔算太多，餐廳主打應該都係蒸鍋。我哋2個人點咗3個小菜，份量都唔少，夠晒我地食。乳鴿 - 算皮脆肉嫩，唔係好大隻，如果原材料大返少少，會有多D肉。干扁肉碎四季豆 - 味道鹹鹹香香，送飯唔錯，D豆唔老，唔會食到有渣。脆薯仔牛柳粒 - 牛柳粒炒得幾有鑊氣，夠軟淋唔會好韌，味道都ok幾好。餐廳裝修以簡約為主，座位都算舒適，唔駛坐到好迫，服務都唔錯，快D約下次補返食海鮮蒸鍋。