地方唔算好大，不過個環境新裝修都幾靚😃
先放低調味醬料等你自己溝嗰醬汁出黎，呢到個辣椒油味道幾正下👍🏻
絕無味精精選燉湯：今日蟲草花燉土匪雞湯，亦都係我中意嘅湯水之一，夠滋潤又清甜😍
紅燒妙齡乳鴿：我唔食乳鴿，俾晒朋友食😆佢就覺得唔算太肥美，但食落個肉質幾嫩滑👍🏻
然後就開始食蒸鍋喇，呢到有樣好，就係全程專人服侍，職員會用TIMER幫你計時同睇實，啱晒我呢D懶人淨係等食就得😜
安格斯手切肥牛1碟：牛肉數量唔算多，不過肉質都幾靚，食落仲要牛味幾香濃下😍時間控制啱啱好，唔會蒸得過老
呢到魚缸養住海鮮，食嘅時候先捉返出黎處理，保證新鮮夠生猛😁淨係上碟時見到咁多靚仔嘅海鮮已經流晒口水🤤
1
生猛鮮脆龍蝦：果然夠生猛，龍蝦肉好有彈性，好容易就成舊肉起到出黎👍🏻食落肉質爽口彈牙，鮮甜無比🤤
北海道元貝皇：個殼成隻碟咁大，元貝當然都肉厚肥美😍食落口感豐富又鮮甜
蘇格蘭蟶子皇：平時食開炒蟶子，連埋醬汁夠惹味，但清蒸可以品嚐到當中味道鮮甜而帶點海水嘅鹹味，原汁原味，別有一番風味😋肉質肥美帶點爽脆😍
生猛大海蝦：海蝦夠新鮮，基本上清蒸已經夠晒滋味，肉質彈牙味道鮮甜😋
法國多寶魚：肉質嫩滑，再點一點個醬汁會更加提鮮，不過食嘅時候記得唔好食得太急，小心魚骨😉
鮮甜大花甲：食落無沙，處理得幾好，同埋都幾鮮甜👍🏻
人氣鮑魚糖水：糖水加入鮑魚真係第一次聽同試，原諒我比較大鄉里見識少🤣本身覺得無厘頭，點知食落充滿驚喜🤩綠豆沙夠沙唔會太過水，香滑清甜，而鮑魚帶點鹹香嘅鮮味，咬落彈牙幾有口感，無諗過兩者加埋又真係出奇地夾🥰
粗糧拼盤(紫薯,南瓜,香芋,粟米)：簡簡單單清蒸，食出原始風味，不過如果時間再蒸耐D，淋身D應該會更加好食😃
食完成餐海鮮蒸鍋，原諒我詞窮，真係除左鮮甜之外都係鮮甜🤣海鮮只要夠新鮮，唔駛花巧嘅調味煮法，用最簡單嘅清蒸方式，就可以食到每一款食材最原汁原味嘅鮮味，非常滿足🥰🥰🥰另外應該係新開張關係，見到D員工唔算太上手咁，不過都理解同明白，而且佢地都幾NICE幾有禮貌😄希望可以快D熟手會運作得流暢D啦👍🏻遲D有機會再幫襯下睇下D小菜係咪都咁正先😋
補MENU
