影片
更多
2020-07-13
213 浏览
太耐冇飲茶，今日返工前去左酒店中菜廳同朋友嘆茶，90分鐘任食點心每人HK$168，茶錢HK$23，計埋加一埋單每人HK$210，唔算平，不過食物質素好過一般酒樓，加上殷勤服務同開揚海景，價錢算係咁。等緊點心之時，先送上每人只有一份嘅尊貴點心。花膠瑤柱灌湯餃每啖湯都係精華，瑤柱好香，腍得黎唔會散。芝士焗蟹蓋幾香口，食到魷魚粒，唔太食到蟹肉。富貴鮑魚撻細細件一啖放入口，鮑魚唔算好腍，肉粒同醬汁幾惹味。蟹子燒賣皇菇味重，豬肉肥瘦適中。翡翠明蝦餃啲蝦好爽彈鮮甜。珍珠松露上素餃香氣突出。鮮茄金湯鮮竹卷充滿鮮茄味，連啲湯都飲埋。黑金流沙包一咬就爆汁，鹹甜平衡得唔錯，鹹蛋黃仲有粗幼兩種口感。金珠鹹水角香脆之中夾雜煙韌，餡料鹹香惹味，出色。鮮果沙律鮮蝦筒充料豐富。蒜香雞中翼好大隻，脆皮充滿蒜香唔油膩，入面有肉汁，冇血水冇雪味，廚師炸野果然有一手。冰鎮豬手塊皮極之彈牙，滲出淡淡酒香。鮑汁雞腳夠濃郁，可惜雞腳唔夠肥美。魚湯浸菜苗鹹左啲，菜亦未煮腍。四川擔擔麵偏淡，唔夠辣同花生香。巴馬火腿雞粒炒飯唔夠乾身，火腿味炒唔到落啲飯度。夠薑薑汁糕真係好夠薑。陳皮蓮子紅豆沙陳皮香較突出，但紅豆未起沙。蒸點同炸點都幾出
等緊點心之時，先送上每人只有一份嘅尊貴點心。花膠瑤柱灌湯餃每啖湯都係精華，瑤柱好香，腍得黎唔會散。芝士焗蟹蓋幾香口，食到魷魚粒，唔太食到蟹肉。富貴鮑魚撻細細件一啖放入口，鮑魚唔算好腍，肉粒同醬汁幾惹味。
蟹子燒賣皇菇味重，豬肉肥瘦適中。翡翠明蝦餃啲蝦好爽彈鮮甜。珍珠松露上素餃香氣突出。鮮茄金湯鮮竹卷充滿鮮茄味，連啲湯都飲埋。黑金流沙包一咬就爆汁，鹹甜平衡得唔錯，鹹蛋黃仲有粗幼兩種口感。
金珠鹹水角香脆之中夾雜煙韌，餡料鹹香惹味，出色。鮮果沙律鮮蝦筒充料豐富。蒜香雞中翼好大隻，脆皮充滿蒜香唔油膩，入面有肉汁，冇血水冇雪味，廚師炸野果然有一手。
冰鎮豬手塊皮極之彈牙，滲出淡淡酒香。鮑汁雞腳夠濃郁，可惜雞腳唔夠肥美。魚湯浸菜苗鹹左啲，菜亦未煮腍。
四川擔擔麵偏淡，唔夠辣同花生香。巴馬火腿雞粒炒飯唔夠乾身，火腿味炒唔到落啲飯度。
夠薑薑汁糕真係好夠薑。陳皮蓮子紅豆沙陳皮香較突出，但紅豆未起沙。
蒸點同炸點都幾出色，其他小食同粉麵就普普通通。
📍海雲天
紅磡德豐街20號九龍海逸君綽酒店2樓
张贴
