地址喺尖沙咀，都好易搵到。入到去環境都幾寬敞~仲可以坐到卡位。全程都有專人服務，幫調節蒸氣嘅時間，蒸完一款又換另外一款，服務很好！
頭盤我地叫左炸酥炸墨魚頭，上面灑滿胡椒粉，墨魚肉質彈牙爽口
咕嚕肉都喺佢地推薦嘅菜式之一，果然無推薦錯喔！完全無骨，炸得外脆內軟，口味酸甜適中，令人好開胃
跟住就開始蒸海鮮啦~
首先由花甲開始，花甲肉很大很飽滿，一食落去口感很厚實，不過個人覺得有少少咸~
海中蝦，蝦肉好新鮮，仲食到絲絲甜味~
蒜蓉蒸扇貝，分辣同唔辣兩款，我揀左食唔辣嘅。扇貝好大一個！蒸完之後扇貝肉依然咁軟嫩，加埋蒜蓉同粉絲一齊食就係絕佳搭配~
象拔蚌，蒸得啱啱好，肉質很爽脆煙韌，加上蒜蓉，令到整體更加惹味
松露白玉蝦膠，底下的蘿蔔造型好得意，喺愛心形狀，上面喺蝦膠，味道鮮美，加上少許黑松露，令味道更特別
海鮮粒蒸千頁豆腐，豆腐很滑，再配上南瓜蓉，海膽和黑松露，造型幾靚，整體味道偏清淡
花蟹，蟹肉都算鮮甜，仲可以見到蟹膏
蝦乾豆卜蒸東坡肉，東坡肉肥瘦適中，一點不油膩，蒸完之後豆卜吸收了肉汁，幾好味
雙腸蒸新鮮雞半隻，雞肉很嫩，加上杞子同紅棗一齊蒸，感覺養身美顏
最後，終於可以品嘗到集海鮮精華於一身嘅南瓜滑雞粥，除左味道偏淡之外，依然仲保留著南瓜同雞嘅鮮甜，唔錯
最後嘅最後，緊喺要整返件甜品啦！椰汁紅豆糕，不會太甜，加上粒粒紅豆，好滿足。
