粗店燒烤 (已結業)

旺角而家人來人往，相比起疫情這三年，總算遊客返嚟，街道人氣旺返啲。近波鞋街，洗衣街公園旁邊有間最近開嘅粗店燒烤，主要是串燒。店內環境好寬敞，枱與枱嘅距離足夠。每張枱天花吊落嚟好似一個個白色燈籠，望清楚啲原來係紙巾方便食客攞。枱上有個銀色盤，下面有蠟燭可以想串燒嘅時候慢慢㷫住食物，keep住溫度。粉絲蒜蓉蒸扇貝夠Juicy, 油炒香蒜蓉嘅香味。調味粉有花椒同孜然，可以點吓雞翼。炸饅頭幾crispy，可以中和一下孜然粉嘅味道。飲品主要係紙盒裝荔枝茶，罐裝可樂忌廉等。娃娃菜用錫紙盤上菜，個湯好夠味，有豉油，辣椒同蔥粒。