🍴 PARCO是日精選套餐 每位$398
🍣 象拔蚌刺身拼盤
主角象拔蚌爽彈帶鮮甜，貝味濃厚。三文魚肥美魚油香濃，甜蝦啖啖鮮味，帆立貝入口甘甜，北寄貝鮮美十足，希靈魚則帶微酸，開胃又清新。擺盤又好靚！
🦞 龍蝦
龍蝦肉質結實彈牙，食落啖啖鮮甜，仲有濃郁蝦膏，真係齒頰留香。蒸好之後店員會幫你處理埋個頭，再用嚟煲粥，海鮮精華完全鎖住落去。
🦐 瀨尿蝦
斑馬瀨尿蝦超級大隻！肉質緊實，每口都爆出鮮甜肉汁，爽快感十足，完全食到新鮮感。
🐚 貝殼三寶
蟶子肉質厚身，清甜鮮美；花甲細細粒但鮮味濃縮；大蜆啖啖肉，帶少少海水鹹香，越食越上癮。
🐚 元貝
蒜蓉加粉絲鋪面，蒸出嚟好香，鮮甜嘅汁水滲入粉絲，真係一口都唔想浪費。
🐚 鮑魚
鮑魚肉質爽口不韌，鮮味突出，咬落去彈牙，口感非常滿足。
🦐 海蝦
蝦身結實彈牙，鮮甜蝦味濃郁，啖啖肉超級滿足。
🐟 海魚
今次食嘅鮮馬友，魚肉好嫩滑，魚油香氣十足，蒸得啱啱好，完全無腥味。
🍲 農家四寶 + 蟲草花蒸雞烏冬底
四寶有節瓜、南瓜、芋頭、粟米，全部新鮮又甜。雞肉嫩滑帶雞油香，落晒去稻庭烏冬度，令成個烏冬超級香濃。就算食到好飽，都忍唔住一條接一條烏冬繼續食，最後仲打包粥底返屋企！
整個用餐體驗真係好滿足！👏 店員服務貼心，幫手落料同控制時間，完全唔洗擔心會蒸過火。價錢以$398一位嚟講，CP值爆燈 💯，海鮮款式又多又新鮮，食到最後仲有香噴噴嘅海鮮粥收尾。小漁港真係蒸海鮮嘅首選，下次一定會再嚟！
