金牌源記 (已結業)

同朋友傾開計，我未食過蒸籠海鮮，跟住我哋就上網搵左呢間新開嘅餐廳食肆。一入到去典型嘅小菜館格局。侍應都很親切有善，會主動提供服務，會同食客聊天。呢度最出名嘅就係288嘅海鮮蒸套餐咁當然要點啦咁首先會嚟一個是日精選燉湯。見到餐牌都非常之豐富有多款唔同嘅海鮮。首先上枱嘅係每人一盒嘅是日燉湯湯清甜美味，可見有蟲草花，無添加味精。侍應會先將準備蒸嘅海鮮成棟放係你嘅枱前面，當蒸好嘅時候就會主動幫你更換。先來一籠鮑魚每客一隻，鮑魚味爽甜唔使落任何嘅醬汁，好味。配上陳皮絲冇咁寒涼。之後就係龍蝦啦，一人半隻龍蝦，都算頗大都，好鮮甜食得出好新鮮。仲一個意外驚喜，清蒸菜心原來都幾好食，菜心上邊嘅梅菜唔會過鹹，為蒸菜心增添鮮味。之後陸續仲有蝦，大蜆，聖子，扇貝龍躉等等。全部都好海鮮都好新鮮，因為餐廳係直接同魚巿場取貨，所以攞到最新鮮嘅海鮮。最後結尾的是肉蟹蒸荷葉飯，由於飯吸收左蟹嘅鮮味所以泛美好鮮甜跟住再加埋荷葉一清響呢個飯簡直係一流。最後就係每人一碗紅豆沙作結尾。