蒲田日本料理 (已結業)

2-2-2010收工撞正朋友開夜「落街買嘢食」的時間, 索性去灣仔 join 佢一齊食, 又嚟到灣仔道後街睇睇. 呢度格局港式到唔港式, 但食熟嘢應該唔怕吧, 又唔太貴, 試試吧.叫了鍋燒烏冬, 用金屬鍋 serve, 一眼睇晒配料有「窩蛋」, 蝦天婦羅, 冬菇, 鳴門卷及菜... 將「窩蛋」蛋黃拮穿, 混入湯底 (係木魚清湯?) 成「蛋花」, 亦令湯底滑了唔少, 雖然都無乜蛋香0架喇; 烏冬無乜麵粉香, 質地唔算煙韌, 但十分滑溜, 又浸極都無變酸或腍 bad bad, 還不錯; 配料味道就無乜特別, 勝在穩穩陣陣.試了少少朋友的蔥吞拿魚腩茸丼, toro 茸品質一般的關係, 食落近乎無味的, 不過起碼 d 蔥份量夠, 朋友亦無皺眉或臉容扭曲, 應該難食極有限? 清酒煮蜆就幾唔掂... 未食已聞到點腥氣 , 硬著頭皮試了一隻, 可幸食落唔腥, 不過可能師傅都知 d 蜆唔多新鮮, 好重手的落了好多蔥及辣椒, 結果食落係好辣 「湯底」就帶點苦, 酒精未揮發?鹽燒牛舌就幾好食... 唔算厚切, 不過燒得乾身香口, 食落爽口鹹香, 好在.可能期望太低, 食物比想像中好一點, 連加一每人約