三一餃子 (利源西街)

营业中

休息中

喺中環做完嘢，嚟個快食，忽然記得附近有間三一餃子，於是就行過去幫襯。叫個 A+B+C 套餐，包餃子，主食同小碟。先嚟個炸花枝丸拼魚片頭，每樣各兩粒，熱辣辣，正常味道。煎蒜芯豬肉餃有六粒，size 唔大，肉眼睇煎功唔錯，咬一口，皮算薄，蒜味幾突出，主宰咗餃子嘅味道，相反豬肉就變得似陪襯，如果你鍾意食蒜，應該會幾鍾意呢個餃子。主食我揀咗鰹魚昆布湯米線，小辣多蔥（menu 話叫小辣係垃圾😹😹😹），呢碗 size 比較細，女士都未必夠食，不過個貓貓碗就好得意。米線唔會過腍，湯底亦清甜，唔錯，我飲咗唔少。可惜應該落咗頗多味精，因為當晚我要勁扯水😂，呢個希望改善啦。