Mad for Garlic (已結業)

成日聽到朋友介紹mad for garlic，叫我點都要食一次。咁岩今日係奧海城行街見到，所以入去食晚餐。果然冇令我失望，返到屋企重一直回味緊。首先，我地叫左MFG特色雞胸沙律配雪利酒醋汁。上枱個陣見廚師拎住一隻碟，一個大木盆，原來佢要幫我地撈，好貼心。撈個陣重傳出陣陣醋香味，食落好清新，會一直想食。沙律吾止有雞胸絲同生菜，重有切粒蕃茄、芝士、蛋白、洋蔥，冇苦澀味，非常夾。另外，我地重叫左MFG特色蒜容包塔，廚師又再出黎幫我地切，服務真係一流。蒜味完全溶入係包入面。飲品方面，我地叫左西柚特飲同Cinderella，因為個名好有童心。西柚特飲非常fresh，好適合食完蒜再清新一下口腔。而Cinderella係有橙汁，菠蘿汁同檸檬汁，三個色好令。主菜方面，我地叫左蒜香忌廉汁蟹肉及龍蝦肉意粉同熱板烤MFG招牌肉眼扒配蒜頭山(美國肉眼)。吾係講笑，我非常鐘意食呢個意粉，係我食過既忌廉海鮮意粉入面排頭幾位！忌廉汁非常濃郁，傳出陣陣蟹肉同龍蝦肉味，肉質亦非常新鮮，有甜味，又彈牙，係我既必叫之選。非常推介大家食！而肉眼扒係用鐵板盛起，充滿肉汁，上面佈滿炸蒜片同蒜頭，好香，好惹味。對女仔黎講，要有甜品