影片
更多
2023-11-10
609 浏览
柠檬冰室 Lemon Cafe📍葵涌禾葵里2号葵兴商场地下10-12号舖老爸喺葵涌返工，趁今日佢放早，揾佢食个下午茶先。同老爸食当然食返啲港式味道啦，见附近嘅葵兴邨有间全间都系黄色嘅冰室，午市同下午茶价钱相当经济实惠，所以就决定喺度食啦。 💰$47吉列鱼柳 🐟呢个皇牌吉列鱼柳下午茶餐好丰富，配以香肠、炒滑蛋、丹麦面包同薯茸，加埋杯冷柠茶先系$50，好抵食。佢嘅炒滑蛋滑捋捋，重牛油香味，放喺层次感满满嘅烤丹麦面包上面食就最啱。好欣赏佢唔系用一般嘅白面包，而系用油酥感较重嘅丹麦面包，虽然肥就肥啲，但久唔久食一次都几过瘾。冻薯茸无额外调味，可以食到薯仔原味，口感厚实但不油腻。主角吉列鱼柳大过我一只手掌，面衣炸得香脆，切落去真系索索声，外脆内软嘅鱼柳无落太多调味，配埋沙律酱食，还原港式茶餐厅、冰室味道！ 💰$39罗宋汤餐肉粒通粉 🥫之前睇新闻有见过有人食罗宋汤餐肉粒通粉，话餐厅好孤寒，果然成碗通粉，只得数粒细粒嘅午餐肉，分分钟堆埋都唔够半块，水平真系好参差。但呢间冰室嘅餐肉粒唔单止大粒，而且一小碗通粉入面有八大粒餐肉，唔洗用放大镜都揾到粒粒餐肉！而且佢嘅罗宋汤底好浓郁，亦有唔少新鲜蔬菜，通粉唔
📍葵涌禾葵里2号葵兴商场地下10-12号舖
老爸喺葵涌返工，趁今日佢放早，揾佢食个下午茶先。同老爸食当然食返啲港式味道啦，见附近嘅葵兴邨有间全间都系黄色嘅冰室，午市同下午茶价钱相当经济实惠，所以就决定喺度食啦。
[价钱 Price]
💰$47
吉列鱼柳 🐟
呢个皇牌吉列鱼柳下午茶餐好丰富，配以香肠、炒滑蛋、丹麦面包同薯茸，加埋杯冷柠茶先系$50，好抵食。佢嘅炒滑蛋滑捋捋，重牛油香味，放喺层次感满满嘅烤丹麦面包上面食就最啱。好欣赏佢唔系用一般嘅白面包，而系用油酥感较重嘅丹麦面包，虽然肥就肥啲，但久唔久食一次都几过瘾。冻薯茸无额外调味，可以食到薯仔原味，口感厚实但不油腻。主角吉列鱼柳大过我一只手掌，面衣炸得香脆，切落去真系索索声，外脆内软嘅鱼柳无落太多调味，配埋沙律酱食，还原港式茶餐厅、冰室味道！
[价钱 Price]
💰$39
罗宋汤餐肉粒通粉 🥫
之前睇新闻有见过有人食罗宋汤餐肉粒通粉，话餐厅好孤寒，果然成碗通粉，只得数粒细粒嘅午餐肉，分分钟堆埋都唔够半块，水平真系好参差。但呢间冰室嘅餐肉粒唔单止大粒，而且一小碗通粉入面有八大粒餐肉，唔洗用放大镜都揾到粒粒餐肉！而且佢嘅罗宋汤底好浓郁，亦有唔少新鲜蔬菜，通粉唔会煮到烂晒，好高质！
呢个餐同样配有丹麦面包，我拣咗煎双蛋，流心蛋黄足满蛋香，正！
[价钱 Price]
💰$85
鲍鱼鸡煲 🍲
下午茶时候都食到镬仔菜，至啱老爸心意。虽然系罐头鲍鱼鸡煲，但煮得一啲都唔马虎，鸡嘅份量都好多，罐头鲍鱼亦唔会韧到似橡筋，酱汁多、味道好下饭。不过佢嘅鸡肉系带骨嘅，所以食嘅时候会有些少碎骨，大家要小心细嚼呀。
[价钱 Price]
💰$8 (套餐加配价)
椰汁红豆冰 🫘
太冲击！加几蚊有咁大杯嘅椰汁红豆冰？真系吓亲我哋，连老爸都话分分钟有2杯正常冻饮咁大杯！唔洗担心大杯就会偷工减料呀，佢嘅椰汁好浓郁，红豆粒粒都大大粒，甜甜香香、绵绵密密，冰感十足，真系必试！
张贴
