泰式三文魚
呢個三文魚真係冇得頂！啲三文魚切到薄薄地，食落去超滑溜，一啲都唔腥。個汁酸酸甜甜，帶少少辣，仲有啲薄荷葉同香草喺裡面，撈埋一齊食，好開胃！
唐揚魷魚鬚
呢個唐揚魷魚鬚炸得啱啱好，外皮脆卜卜，但入面嘅魷魚仲保持到彈牙，一啲都唔韌。點埋佢個特製醬汁，酸酸地又有啲微辣，好夾！雖然係炸物，但食落一啲都唔油膩！
泰式生蝦刺身
泰式生蝦刺身真係必點！啲蝦肉新鮮到不得了，食落去爽口彈牙，仲帶住淡淡嘅甜味。個醬汁係靈魂所在，蒜味好香，仲有啲魚露嘅鮮味，同生蝦夾到絕！
大滿貫卷卷面
呢個大滿貫卷卷面真係足料到爆！裡面有鮑魚、青口、蝦、蟹肉、帶子片，樣樣海鮮都新鮮，冇雪藏味。個麵底撈咗啲泰式醬汁，酸酸辣辣，好惹味。每啖都食到唔同口感，鮑魚爽口、帶子嫩滑、蝦同蟹肉鮮甜，真係大滿足！
正義朋友 (葵芳)
葵芳葵富路7-11號葵涌廣場2樓2026舖
