3餸麵套餐+4餸 $78
- 今次我嗌左總共七個餸，因為今晚要比較晏先食晚餐，所以午餐要食飽啲。我叫咗貢丸、生菜、金菇、魚肉春卷、滷水蛋、菜肉雲吞、芝士腸、米粉加腩汁。食物上菜速度好快，不過米粉變咗做米線，朋友叫嘅滷水豆腐擺咗喺我嗰度，不過唔緊要啦。
每個餸我都好鍾意，最推介嘅係滷水蛋，佢滷得好入味，蛋白有少少實，係我鍾意嘅質感，推介！
貢丸、魚肉春卷爽口！其他餸都正常發揮，係腩汁比較油膩，如果想食得健康啲嘅話，可以叫清湯。如果淨係叫三個餸嘅話，我會選擇滷水蛋、貢丸同金菇加清湯米粉。順帶一提，原來呢度堂食都係用發泡膠碗同紙杯即棄餐具，希望遲啲餐廳可以用返循環再用嘅餐具啦，為環保出一分力！
