想不起來 茶飲/甜品 (已結業)

葵涌廣場既食店琳瑯滿目 淨係茶飲店都已經數十間 要喺葵廣到生存真係唔係一件易事 想提高競爭力 應該除咗有特別的飲品外 另一樣野就係價錢要夠抵。 而今次依間 正正就係價錢夠哂平民價 抵到爛依間茶飲店位於章魚燒隔離 都相當明顯 價錢方面直頭只係$15-20不等 。 一杯普通既珍珠奶茶居然係$15 咁既價錢 真心點會咁易搵到？ 雖然口味唔算多 但整體望落都唔錯架 當然伏唔伏 就各自人心水🤣本身就簡左「滿杯鐵觀音奶茶」 入面有3款唔同既配料 但不幸係當日有2款已經賣哂。 咁惟有只叫了鐵觀音珍珠奶茶轉仙草凍。 飲品份量都相當大 唔會因為平就細杯左 味道方面不過不失 因為叫左少甜 同走冰 咁相對杯野都唔會太甜 奶味都比較重 反之茶味都略淡 但價錢咁實惠 自然是要求不會咁高🤣🤣第二次黎就試左「珍珠奶茶」 珍珠唔會太韌或者太林 整體味道唔會太差。 值得一試。