刈Bao台式創意小食 (已結業)

係葵廣掃街就掃得多，但係感覺上黎黎去去都係嗰幾款小食。不過近排有間新開嘅台式小店確實係幾另類幾新穎🤩平時係香港🇭🇰食開嘅炸饅頭大多係沾煉奶食。不過依度嘅饅頭就唔同啦，除左係鹹食之外，仲有幾款唔同嘅餡料俾大家揀。由於饅頭係即整，所以每個都係新鮮滾熱辣♨️最有驚喜嘅係面頭相當脆，相當香口❗️至於餡料方面，鰻魚幾滑身，配上玉子，薑絲同甜甜嘅汁醬，好開胃。而軟殼蟹🦀香脆得黎配埋辣辣地嘅沙律醬，遮蓋左本身嘅油膩感，好fresh。兩款饅頭都係比相像中夾，有驚喜👍🏻當然唔少得要試下依度特別嘅小食啦😉我地所嗌嘅薯花顧名思義就係將薯仔🥔整成蓉，仲處理得有少少滑嘅感覺😲而食起上黎仲要完全感受唔到乾爭爭嘅感覺，撈埋面頭嘅汁醬可算係好惹美。大家經過嘅話，就黎支持下小店啦💪🏻比起啲集團一式一樣嘅店舖，小店反而格外有人情味，老闆亦都好友善。有時仲會有新產品推出。