又一戟 (已結業)

葵涌廣場多嘢食就係人都知， 相信去開葵涌廣場嘅朋友對又一戟一啲都唔陌生， 今日happy Friday 加上心癮起走去買件班戟食。平日食開香蕉朱古力加忌廉班戟，今日突然想轉轉口味，買咗花生醬+煉奶+香蕉，真係唔肥唔食呀🤣! 唔使多講聽到呢個組合都知勁好味啦，仲要勁足料超多醬。食落味道有啲似夾餅 ， 但肯定冇食夾餅咁論盡， 食到最尾係最正因為最底係最多醬。如果大家突然想食啲勁heavy嘢， 絕對推介你叫呢款組合， 俗語有云唔食邊有得減🤣🤣🤣。