嚐冰

营业中

休息中

一講掃街，好多人第一時間都會諗到葵廣，呢度小食、甜品、飲品應有盡有，淨係揀食邊間都已經有d困難，今日想買糖水夜晚返屋企慢慢嘆，隨心就揀咗呢間「嚐冰」。餐廳主打雪花冰，但外賣唔係太方便，所以都係揀咗要兩碗糖水。多芒丸子凍 :好大碗！賣相呈金黃色，相當吸引，有芒果、小芋圓、椰子凍及西米，有好多芒果，味道好鮮甜，加上煙煙韌韌嘅小芋圓，口感十足，天時暑熱食份外清涼。芋圓雙色凍 :有超多配料，芋圓及小芋圓色彩繽紛，入口椰汁味香濃，椰子凍同斑斕凍口感滑滑，斑斕凍散發出淡淡斑斕香，食落感覺清新，配埋紅豆及西米，整體好滿足。