影片
更多
2017-08-30
67 浏览
原來美麗華商場二期內有間特色葡國菜餐廳？訂好檯，亦預先訂好1/4隻乳豬，原來只需去尖沙咀區，就食到好味葡菜。呢度平日晚上都幾旺場，而且位與位之間有充足空間，用餐環境幾舒服。食物方面，都尚算正宗。炸馬介休球（$55/4粒）炸馬介休球即係將有「葡國鹹魚」之稱嘅馬介休加薯蓉炸成球，小巧又的式。酥炸魷魚（$55）餐包伴蒜蓉味牛油及橄欖每位有一個焗法包，新鮮熱辣，搽啲牛油或者橄欖，好食呀！霹靂非洲燒雞（全隻）（$195）我怕太辣就叫咗小辣，雞肉燒到熱辣辣，跟住啲辣味會慢慢滲出嚟，好過癮。葡式烤乳豬（$280）1/4隻呢度乳豬要預訂至有得食，個乳豬皮好脆，肉質嫩滑，怕唔夠飽？伴碟仲有一人份量嘅葡式肥仔炒飯，茄汁底酸酸地夠開胃！
訂好檯，亦預先訂好1/4隻乳豬，原來只需去尖沙咀區，就食到好味葡菜。
呢度平日晚上都幾旺場，而且位與位之間有充足空間，用餐環境幾舒服。
食物方面，都尚算正宗。
炸馬介休球（$55/4粒）
炸馬介休球即係將有「葡國鹹魚」之稱嘅馬介休加薯蓉炸成球，小巧又的式。
酥炸魷魚（$55）
餐包伴蒜蓉味牛油及橄欖
每位有一個焗法包，新鮮熱辣，搽啲牛油或者橄欖，好食呀！
霹靂非洲燒雞（全隻）（$195）
我怕太辣就叫咗小辣，雞肉燒到熱辣辣，跟住啲辣味會慢慢滲出嚟，好過癮。
葡式烤乳豬（$280）1/4隻
呢度乳豬要預訂至有得食，個乳豬皮好脆，肉質嫩滑，怕唔夠飽？伴碟仲有一人份量嘅葡式肥仔炒飯，茄汁底酸酸地夠開胃！
张贴
