葡匯咪走雞葡國餐廳 (已結業)

今晚食葡國菜，難得朋友相伴，特別預訂葡式燒乳豬，一齊大飽口福。餐廳裝潢都帶帶葡國色彩，有公雞裝飾物，木枱配藤椅，今晚我地仲坐左梳化位，好舒適輕鬆。先送來麵包，烘得熱辣辣，麵包外脆內軟，仲要特別鬆軟，塗上牛油好好食。黑橄欖係餐廳的廚師浸醃，欖油清香，橄欖不會太酸澀，味道醇厚。特色大蝦沙律 $145，蔬菜份量頗多，而且好新鮮爽脆，醬汁用油醋汁，好清新開胃，酸度調得剛好，醋味不搶喉。大蝦係亮點，有5隻大蝦，經微微炸過，香口而不膩，蝦肉結實彈牙，配沙律同食，味道洽到好處。白砵酒，用白葡萄釀製，多作爲開胃酒，點了小杯來品嚐，味道帶香，非常易入口，帶點甜味，順喉且酒精味不太重，幾好飲。而且餐廳仲有多款砵酒，下次要點其他來飲。葡式燒乳豬 （1/4隻）$280，需要預訂，所以訂位時順便訂埋，兩個人點1/4隻就剛剛好，因為仲有肥仔炒飯同沙律菜。乳豬皮燒得超靚，皮薄脆卜卜，中間夾住少少脂肪，入口溶開好香，脆豬肉好嫩好柔軟，也醃得入味。肥仔炒飯有葡國腸同葡萄乾等，好有葡菜風味，襯熱食同乳豬好夾，夠哂飽肚。傳統蘋果批配雲尼拿雪糕 $45，雖然一早整好，但上菜前會烘焗至熱，配冰凍雪糕，有冷熱交雜口感。蘋果批餡豐