影片
更多
2018-04-24
53 浏览
而家 真係不愧為食omakase嘅季節 因為所有食材都非常之新鮮當造 而且價錢亦都非常之大眾化 今日就嚟到呢間鮨心 旬節試下啦首先頭盤有水雲髮菜山芋蓉 呢度菜口感非常之特別 因為佢有啲粉粉哋 而且食落有少少酸 非常開胃支豆蕃薯豆腐 豆腐嘅軟熟搭配支豆嘅煙韌 非常之好嘅配搭 而且味道清清地 值得一讚螢光魷魚 非常之新鮮 富海水味而且食落口感一流 煙韌得嚟又唔痴牙千島天婦羅蝦 炸得啱啱好唔會過熟 而且炸粉嘅厚薄適中 蝦味濃郁魷魚大根 大根即係我哋所講嘅蘿蔔 醬汁嘅味道完全入哂大根入面 而魷魚嘅口感幾煙韌 非常之好食銀魚青椒 銀魚比較乾身 但係口感亦都係一流 用嚟送酒非常正 而青椒剛剛可以將銀魚少少嘅油膩感 完全清走好啦 到主菜首先有粒貝 粒貝口感非常之煙韌 我最鍾意針魚(紫蘇葉 蘿蔔苗葉) 針魚嘅魚味相對比較清淡 而佢搭配紫蘇葉等等一齊食 鮮味就十分突出岩鹽大拖羅 大拖羅係吞拿魚腩最靚嘅部分 今日有幸食到大拖羅 搭配少少岩鹽包喺紫菜入面食 嘩真係幸福呀 肉質非常之嫩滑亦都好肥美 係我食過嘅吞拿魚最好食嘅一次鹽焗銀鱈魚 銀鱈魚都係其中一種富魚油嘅魚 鹽焗嘅做法令到魚味十分突出 鹹味亦
首先頭盤有水雲髮菜山芋蓉 呢度菜口感非常之特別 因為佢有啲粉粉哋 而且食落有少少酸 非常開胃
支豆蕃薯豆腐 豆腐嘅軟熟搭配支豆嘅煙韌 非常之好嘅配搭 而且味道清清地 值得一讚
螢光魷魚 非常之新鮮 富海水味而且食落口感一流 煙韌得嚟又唔痴牙
千島天婦羅蝦 炸得啱啱好唔會過熟 而且炸粉嘅厚薄適中 蝦味濃郁
魷魚大根 大根即係我哋所講嘅蘿蔔 醬汁嘅味道完全入哂大根入面 而魷魚嘅口感幾煙韌 非常之好食
銀魚青椒 銀魚比較乾身 但係口感亦都係一流 用嚟送酒非常正 而青椒剛剛可以將銀魚少少嘅油膩感 完全清走
好啦 到主菜
首先有粒貝 粒貝口感非常之煙韌 我最鍾意
針魚(紫蘇葉 蘿蔔苗葉) 針魚嘅魚味相對比較清淡 而佢搭配紫蘇葉等等一齊食 鮮味就十分突出
岩鹽大拖羅 大拖羅係吞拿魚腩最靚嘅部分 今日有幸食到大拖羅 搭配少少岩鹽包喺紫菜入面食 嘩真係幸福呀 肉質非常之嫩滑亦都好肥美 係我食過嘅吞拿魚最好食嘅一次
鹽焗銀鱈魚 銀鱈魚都係其中一種富魚油嘅魚 鹽焗嘅做法令到魚味十分突出 鹹味亦都令味道多咗一個層次
冷玉子 螢光魷魚 螢光魷魚好食就不在話下啦 喺冷玉子嘅搭配之下 冷玉子完全吸收咗螢光魷魚嘅海鮮味魷魚味同埋海水味 甚至佢嘅味道比螢光魷魚本身更加好
赤醋飯壽司有 火炙“魚赤”“魚陸” 廚師話將一啲富魚油嘅魚用火燒一燒會令到魚嘅油逼出嚟 咁我哋就說到最好食嘅魚油喇 呢個方法真係一絕
牛鰍 呢種牛鰍唔同我哋喺街市買到嘅 呢種非常之軟滑 而且魚味比本地嘅好好多
北海道馬糞海膽 堪稱日本食物嘅至愛 馬糞海膽鮮甜不在講 而佢嘅甘香亦都係我覺得首屈一指嘅
之後有蜆麵鼓湯 係用上日本沙白 海鮮味十足 而且鮮味亦都一流 夾埋麵豉嘅鹹味 非常之襯
最後有甜品 博多士多啤梨 蜜柑 日本嘅生果糖度比本地嘅高出好多 而且唔係死甜 而係亦都有生果本身嘅酸酸味
櫻葉漬櫻花道明治米紅豆蓉 傳說中嘅道明治米非常之口感煙韌 而且米味濃郁 非常之好食 紅豆蓉嘅甜味令到 道明治米味道增添一個層次
朱古力柚子雪糕 朱古力既苦甜味加上柚子嘅酸甜再配上雪糕嘅甜 令今餐飯畫上完美句號
张贴
