蒲頭島 (已結業)

真係唔明D人點做生意，做錯嘢仲要講到係個客錯咁樣，真係著哂火，事原係咁，今日六丁友去試吓呢間火煱，7點鐘去到計埋我個檯得三四檯，佢地有五種套餐，我地就揀咗C1龍蝦或膏蟹海鮮煱，個侍應極力推介話差30蚊有埋燒烤喎，諗住試新嘢差少少錢，冇所謂啦，過咗一陣，有個四眼哥攞個燒烤爐同一盤海鮮過唻，話呢個比我地燒烤用，但係成盤海鮮又冇龍蝦又冇膏蝦，唉！諗住佢未整出唻啫，咁就等一陣啦，如是者等咗30分鐘，我就問個侍應，我叫咗龍蝦膏蟹餐，點解又冇龍蝦又冇蟹嘅，佢就答我今日冇龍蝦又冇膏蟹，所以用咗扇貝代替。（係呢度出現兩個問題，第一你冇嘅嘢，唔係應該同個客講清楚嘅咩，我可以選擇唔叫呢個餐㗎嘛，第二，龍蝦同扇貝係兩樣唔同價值嘅嘢，你事但執D嘢話代替就要人收貨，唔係咁下嘛）本來都諗住算，之但係又過咗30分鐘，比我見到新唻幾檯客又係叫我地個餐，但係人地又龍蝦又扇貝，我即時有D燥底，但我都好聲好氣，好有禮貌咁問我女侍應，我早過其他人到，大家都叫同一個餐，點解人地有嘅嘢，我地冇，跟住佢好似好有道理咁答我，頭先冇貨，依家返咗貨，但係由我入坐到我出聲，都冇人交代過任何嘢，仲要講到佢已經用咗其他嘢代替，暗示我好似老屈佢