CitySuper 外賣部

落雨C濕放工都唔想周圍去，所以都係去買個外買返屋企食，又可以喺屋企輕鬆地㷛下劇、邊飲吓嘢hea 下㖭😊
今日我買嘅外賣我相信大家都估唔到，哈哈⋯⋯去咗City Super買咗個海鮮拼盤。

呢個拼盤只係$308 ，就有成隻龍蝦、大蝦青口魷魚等，真係幾抵食。其中最值得一讚就係個魷魚，起初以為佢係白焯冇乜味道，但原來食落真係好有驚喜，竟然係烤魷魚而且仲好鮮甜，兼且係好似炭燒魷魚咁有啲燒烤嘅香味，口感又彈牙又夠林又夠鮮！而且龍蝦同埋大蝦亦都好爽甜，最正嘅就係佢跟埋鮮檸檬同埋沙律醬等等俾你提升鮮味，真係一拆開包裝就可以食，既方便又好味，所以話落雨天放工醫肚，呢個海鮮拼盤真係豪華版的外賣首選！