影片
更多
2016-09-23
1438 浏览
一年容易又中秋，又喺親友聚一聚嘅時候，過時過節，一大棚親友又會擺兩圍賀賀佢。今年中秋，表姐搵咗幾間心水，原意喺龍寶，但竟然喺無位，所以，揀咗依間金利豐，見佢嘅「中秋節全包超值套餐」（$2,698）菜式幾好，價錢又實惠，雖然未試過，但當喺試一試都無妨。以下喺親友事前whatsapp俾十家嘅菜單，提早落訂仲有$200/圍扣減，所以，實價只喺$2,498。每圍包茶芥、加一、6罐啤酒、6罐汽水，啤酒同汽水可以對換，1罐換1罐。不過，服務喺超有問題，因為中秋關係，酒家分咗兩輪，第一輪6:00pm，第二輪8:00pm，我哋揀8:00pm。有親友7:30pm到，打算有位嘅話可以洗定杯碗準備下，但未俾到枱喺預咗。8:00pm我哋已經齊晒兩圍人，樓下個知客話未有枱，到8:15pm我問問佢喺咪有同啲客講分兩輪，佢話喺，但夠鐘都唔會主動叫人交枱，我話咁你哋分兩輪喺無意思喎，結果，8:45pm先有枱，後生企吓都無所謂，有老有嫩就辛苦佢哋。鴻運乳豬大拼盤「鴻運乳豬」4字行頭扮到好睇啲，大拼盤即喺燒味拼盤啦，樣樣賣唔晒嘅燒味都執啲就喺好多酒家以「大拼盤」為名嘅理由。不過，老實講，佢哋啲燒味都算唔錯，5款燒味中，海
以下喺親友事前whatsapp俾十家嘅菜單，提早落訂仲有$200/圍扣減，所以，實價只喺$2,498。每圍包茶芥、加一、6罐啤酒、6罐汽水，啤酒同汽水可以對換，1罐換1罐。
不過，服務喺超有問題，因為中秋關係，酒家分咗兩輪，第一輪6:00pm，第二輪8:00pm，我哋揀8:00pm。有親友7:30pm到，打算有位嘅話可以洗定杯碗準備下，但未俾到枱喺預咗。8:00pm我哋已經齊晒兩圍人，樓下個知客話未有枱，到8:15pm我問問佢喺咪有同啲客講分兩輪，佢話喺，但夠鐘都唔會主動叫人交枱，我話咁你哋分兩輪喺無意思喎，結果，8:45pm先有枱，後生企吓都無所謂，有老有嫩就辛苦佢哋。
鴻運乳豬大拼盤「鴻運乳豬」4字行頭扮到好睇啲，大拼盤即喺燒味拼盤啦，樣樣賣唔晒嘅燒味都執啲就喺好多酒家以「大拼盤」為名嘅理由。不過，老實講，佢哋啲燒味都算唔錯，5款燒味中，海蜇同叉燒會放得偏多就預咗架啦。
茄汁焗大花蝦即喺茄汁蝦碌，啲大花蝦真喺幾夠份量，隻隻都幾大隻吓，又爽彈。個汁底做得啱唔好，甜酸有致，唔會過酸，又唔會太薄身。
西蘭花花枝帶子花枝入口柔韌，帶子爽甜，配以碧綠嘅西蘭花，稱得上好睇又好食。最怕啲西蘭花煮到腍晒，眼前嘅西蘭花就炒得唔錯，火喉恰到好處。
奇妙沙律米網卷米網卷好厚身，脆就脆喇，但好油，裡面包住嘅蝦仁纖幼到呢，所以，唔好食！可能俾碟炸春卷大家或者會爭住食。
紅燒竹笙海皇翅戒咗食真翅，所以，唔知個翅嘅味道，但份量就肯定十足，一大窩分得超過12碗之餘，每碗內嘅魚翅及海鮮料都有好多。
鮑汁金錢海鮑片睇落有咁大碟，皆因墊咗成碟底生菜，冬菇及鮑片就喺面面睇晒咁多。啲大花菇有菇香，亦厚肉有咬口，而鮑片切得厚薄勻一，口感煙韌，鮑味都OK。
清蒸海大石班條石班大條夠睇頭，蒸出嚟幾靚仔，但軋開啲魚肉先知蒸成點，只得中心骨位有輕微黐肉，整體都算蒸得啱啱好。肉質好嫩滑，肉味非常鮮，好食。
金利豐極品燒雞即喺一般常見嘅燒雞，賣相好唔錯，燒得皮脆肉嫩，而且，隻雞嘅皮下脂肪又少，讚！
鮮蝦荷葉飯只喺搵塊睇落好殘，感覺好乾嘅荷葉墊墊底，當然，荷葉味久奉；鮮蝦？表面無，摷勻亦唔覺，流到不得了。還好嘅喺啲飯粒分明，唔太乾硬，都入得口墊肚，哈哈。
精美甜品啲中式酒樓最衰亦喺最鐘意嘅，就喺乜都叫住「精美」先，甜品一環嗰日有咩物資就煮乜，是晚就喺無陳皮味兼落唔少馬蹄粉撞芡嘅紅豆沙，超普通。既然喺中秋，人月兩團圓，卻真喺一粒湯圓都唔落俾你。
原盆大發糕大發糕喺乜？理應喺好似啲鬆糕咁，蒸出嚟個樣有少少似火山爆發咁，面面又加啲紅色色素，喜慶事、過大禮都會見到。都喺嗰句，有乜俾乜，今晚遇見嘅喺馬拉糕，始終點心師傅做，差唔到咩出樣，鬆軟綿密，唔錯。
環球鮮果盤假如全世界淨喺得番西瓜，而所有生果都絕晒種，我都接受到依一碟叫「環球」鮮果盤。同樣結論嗰句，佢哋賣剩乜，咪切啲乜俾你囉。
服務上嘅問題都未完，以下是當日貼在枱上嘅菜單，當時女經理跟我表姐核對番個套餐後就上菜。大家都不以為意，但食到後尾，先發覺原先嘅上湯焗龍蝦伊底晌無通知下轉咗茄汁焗大花蝦，跟個女經理交涉時佢仲話已經同我哋對咗個所訂嘅套餐，套餐名喺一模一樣，但妳無話過我哋知內裡嘅菜式轉咗，擺「明」偷龍轉鳳，仲要賴落食客身上。因為一來廿幾人有大有細，二來餐飯食到成10:30pm有多，家人先費事搞大件事，但佢哋啲服務水平真喺差到無譜。
過時過節一家人食餐飯最緊要喺開開心心，尤其是我依班表哥表姐，食乜都喺其次，次次做節飯都喺揀啲平靚正嘅連鎖酒家就搞掂，估唔到今次揀間街坊酒樓掃興到極點，大家異口同聲話無下次。依間嘢落閘封鋪，都喺遲早嘅事！
张贴
