影片
我喺2017年9月9日饮茶，中午12点找数。个肥肥地电发嘅女收银话74蚊，问我有冇6蚊。我当时谂，74蚊问我有冇六蚊做乜？跟住我比1000，佢找返924。咁我问返佢，唔系74蚊咩？跟住个八婆收银即刻发咗癫咁：咩74蚊呀？76蚊呀！你听咩㗎！我一路都话76街！blah blah blah....态度极度恶劣！你当我听错都好，你都冇理由咁闹D客挂！以后唔会帮衬！
继续阅读
9点后入场$108，好抵，真系好抵！！一份等于十份，大件抵食火锅厨具一set齐全食物多元化：特制菜肉包crossover云吞有专人落水和kum盖，服侍周到，一个职员ser一张枱，随传随到～～一定要食：猪皮弹牙， 蟹柳嫩滑，必食推介～～洗手间冷气够冻，环境清静，真系无得输
继续阅读
昨晚到金利丰晚饭吃得一肚子气。。。我们一行几人是第一次到此酒楼吃晚饭，一坐下经理就过来说这晚人比较多，烧鹅皇只剩一只，要不要先给我们留起烧鹅，其他菜色慢慢再点？由于我们只几个人所以就留了半只，随后我们见菜谱上有生炒糯米饭，但我知道制作比较麻烦所以就先问该经理有没有生炒糯米饭供应，他答有，我就用白纸端端正正的写下了几个小菜再交给经理下单：内容包括烧鹅半只、金利丰小炒皇、芥兰炒腊味、一品海皇羹及生炒糯米饭。到起菜时发觉烧鹅只有微温，皮不脆，似是已摆放了一段时间，回想经理在点菜时描述供不应求只剩一只，确实极有可疑 ... ...，至于小炒皇、炒腊味、海皇羹都是一般水准，不过不失，但是所谓生炒糯米饭却是以蒸笼做的蒸糯米饭，只有面上几粒葱花及一点蛋丝，水份太多、饭太糊实在难吃，找经理查问他推说可能厨房太忙无时间炒饭所以就用笼蒸了，由于我们当晚仍有其他节目，要赶时间所以就不再追究。到埋单时发觉海皇羹价格竟然超出一倍多，向收银大姐查询发现单据上竟然是印著海皇翅，但我们吃的时候完全察觉不到那羹汤其实是(翅)，所以再三查问我们点的是羹为何会变成翅呢？她说可能经理听错了，我说下单不是口述而是手写之后交给经理，不可能听错，况且酒楼食谱上只有海皇羹的价钱而没有海皇翅，如果客人在无价的情况下点海皇翅岂不是任由宰割，她无奈承认应该是经理下错单，但强调我们吃的肯定是海皇翅，翅。。。。这样的经营手法，简直丢尽香港人的脸。。。。
继续阅读
一年容易又中秋，又喺亲友聚一聚嘅时候，过时过节，一大棚亲友又会摆两围贺贺佢。今年中秋，表姐揾咗几间心水，原意喺龙宝，但竟然喺无位，所以，拣咗依间金利丰，见佢嘅「中秋节全包超值套餐」（$2,698）菜式几好，价钱又实惠，虽然未试过，但当喺试一试都无妨。以下喺亲友事前whatsapp俾十家嘅菜单，提早落订仲有$200/围扣减，所以，实价只喺$2,498。每围包茶芥、加一、6罐啤酒、6罐汽水，啤酒同汽水可以对换，1罐换1罐。不过，服务喺超有问题，因为中秋关系，酒家分咗两轮，第一轮6:00pm，第二轮8:00pm，我哋拣8:00pm。有亲友7:30pm到，打算有位嘅话可以洗定杯碗准备下，但未俾到枱喺预咗。8:00pm我哋已经齐晒两围人，楼下个知客话未有枱，到8:15pm我问问佢喺咪有同啲客讲分两轮，佢话喺，但够钟都唔会主动叫人交枱，我话咁你哋分两轮喺无意思㖞，结果，8:45pm先有枱，后生企吓都无所谓，有老有嫩就辛苦佢哋。鸿运乳猪大拼盘「鸿运乳猪」4字行头扮到好睇啲，大拼盘即喺烧味拼盘啦，样样卖唔晒嘅烧味都执啲就喺好多酒家以「大拼盘」为名嘅理由。不过，老实讲，佢哋啲烧味都算唔错，5款烧味中，海蜇同叉烧会放得偏多就预咗架啦。茄汁焗大花虾即喺茄汁虾碌，啲大花虾真喺几够份量，只只都几大只吓，又爽弹。个汁底做得啱唔好，甜酸有致，唔会过酸，又唔会太薄身。西兰花花枝带子花枝入口柔韧，带子爽甜，配以碧绿嘅西兰花，称得上好睇又好食。最怕啲西兰花煮到腍晒，眼前嘅西兰花就炒得唔错，火喉恰到好处。奇妙沙律米网卷米网卷好厚身，脆就脆喇，但好油，里面包住嘅虾仁纤幼到呢，所以，唔好食！可能俾碟炸春卷大家或者会争住食。红烧竹笙海皇翅戒咗食真翅，所以，唔知个翅嘅味道，但份量就肯定十足，一大窝分得超过12碗之余，每碗内嘅鱼翅及海鲜料都有好多。鲍汁金钱海鲍片睇落有咁大碟，皆因垫咗成碟底生菜，冬菇及鲍片就喺面面睇晒咁多。啲大花菇有菇香，亦厚肉有咬口，而鲍片切得厚薄匀一，口感烟韧，鲍味都OK。清蒸海大石班条石班大条够睇头，蒸出嚟几靓仔，但轧开啲鱼肉先知蒸成点，只得中心骨位有轻微黐肉，整体都算蒸得啱啱好。肉质好嫩滑，肉味非常鲜，好食。金利丰极品烧鸡即喺一般常见嘅烧鸡，卖相好唔错，烧得皮脆肉嫩，而且，只鸡嘅皮下脂肪又少，赞！鲜虾荷叶饭只喺揾块睇落好残，感觉好干嘅荷叶垫垫底，当然，荷叶味久奉；鲜虾？表面无，摷匀亦唔觉，流到不得了。还好嘅喺啲饭粒分明，唔太干硬，都入得口垫肚，哈哈。精美甜品啲中式酒楼最衰亦喺最钟意嘅，就喺乜都叫住「精美」先，甜品一环𠮶日有咩物资就煮乜，是晚就喺无陈皮味兼落唔少马蹄粉撞芡嘅红豆沙，超普通。既然喺中秋，人月两团圆，却真喺一粒汤圆都唔落俾你。原盆大发糕大发糕喺乜？理应喺好似啲松糕咁，蒸出嚟个样有少少似火山爆发咁，面面又加啲红色色素，喜庆事、过大礼都会见到。都喺𠮶句，有乜俾乜，今晚遇见嘅喺马拉糕，始终点心师傅做，差唔到咩出样，松软绵密，唔错。环球鲜果盘假如全世界净喺得番西瓜，而所有生果都绝晒种，我都接受到依一碟叫「环球」鲜果盘。同样结论𠮶句，佢哋卖剩乜，咪切啲乜俾你啰。服务上嘅问题都未完，以下是当日贴在枱上嘅菜单，当时女经理跟我表姐核对番个套餐后就上菜。大家都不以为意，但食到后尾，先发觉原先嘅上汤焗龙虾伊底晌无通知下转咗茄汁焗大花虾，跟个女经理交涉时佢仲话已经同我哋对咗个所订嘅套餐，套餐名喺一模一样，但妳无话过我哋知内里嘅菜式转咗，摆「明」偷龙转凤，仲要赖落食客身上。因为一来廿几人有大有细，二来餐饭食到成10:30pm有多，家人先费事搞大件事，但佢哋啲服务水平真喺差到无谱。过时过节一家人食餐饭最紧要喺开开心心，尤其是我依班表哥表姐，食乜都喺其次，次次做节饭都喺拣啲平靓正嘅连锁酒家就搞掂，估唔到今次拣间街坊酒楼扫兴到极点，大家异口同声话无下次。依间嘢落闸封铺，都喺迟早嘅事！
继续阅读
穿著衔坊装就别去,最好穿完整西装才去,尢期其是下午茶时段. 侍应+经理态度奇劣, 坐下20分钟才不执枱,才用其他理由耍走你. 一时说包场, 一时说不衙生, 不做生意可以预早通知.附近全旺或富临全没有这问题, 不知何鲜如此服务态度都可倣生意??
继续阅读