新光宴會廳 (已結業)

對新蒲崗既人黎講，富臨轉咗手係一個喜訊，因為富臨既茶同點心都真係好一般😢新開咗一間新光梗係第一時間係咩品質🌝點咗幾樣點心，味道都唔錯，選擇都夠哂多～ 咖哩蒸土魷，咖哩味夠哂濃，魷魚都好爽口彈牙👍🏻 醬皇蒸鳳爪，鳳爪蒸到夠哂入味，時間掌握得啱啱好～ 唔會太硬或者太軟蒜香牛栢葉，個湯食落都幾濃，牛栢葉都吸引到湯既精華。蘿蔔千絲酥，外面一層層炸得好靚好脆，入面蘿蔔都夠冧，切細啲應該會仲好味。春蛋燒賣，燒賣食落都夠新鮮～上湯水餃，我自己幾鐘意呢個水餃，個湯清得黎又唔會冇味。餡料好鮮仲有蝦既甜味。蝦餃皇，皮薄餡靚，隻蝦係好大隻！