鳳鳴石磨腸粉 (觀塘廣場) (已結業)

其實初初開果陣好抵食又真心好食，但後來太多人幫襯lunch等廿分鐘等唔切就好耐冇食，尋日見人地post過有d想食，今日又得閒就去買，點知好失望.....我明明同女職員講得好清楚要走蔥，結果冇走到....加雞蛋又聽到囉...我明明講要炸蒜，要豉油走辣，結果得好少好少炸蒜仲要冇豉油，大佬膠粉燒賣冇豉油點食？成份野乾爭爭，我外賣番公司打開先知出事😢 佢好快手冚蓋塊板遮住睇唔到佢有冇落料，疫情之下係街好難打開檢查尤其果度係一條行仔通道人來人往。。。然後好失望，覺得唔俾豉油係一大錯誤，亦冇重覆確定我要既野....唉搞到我而家既體驗係又貴又唔好食🙄公司乜都無惟有用爭鮮醬油頂住先...