其實求其一餐，對我呢啲粗人，又唔會有太多要求既。最緊要快，啲野入到口同埋價錢清楚啲小麻煩。
不過呢間就......
我係幾個同事入面最早落order既，點知另外兩個啲野食都到左食緊，有個仲食哂了緊牙，我嗰碟先黎。我之前見人地黎左我已經問我嗰碟呢？呀姐就話整緊啦。我杯奶茶黎左，同事食左大半，我再問，呀姐都話整緊啦。到一個食完我再問，呀姐先話張單冇左，佢地部機問題喎。（睇其他評論，佢地部機都好似有好耐問題）然後就話好快黎左碟飯。
咁好啦，都要照食，嘩~~~酸到呢~~~我就叫糖醋豬柳菜飯，食落呢就似咕嚕豬柳飯，食左半碟就食唔落，早知唔白飯改菜飯。
各位埋單要睇睇先計錢喎，原來佢地係包豆漿，如果轉凍熱飲，一律加5蚊架，我叫左熱奶茶，見到張單就寫2杯凍奶茶，問呀姐先知係咁計，早知我都飮豆漿算，橫掂凍熱豆漿都係同價。
我叫個飯就52，轉菜飯加3蚊，飲品原來加5蚊，埋單就60蚊。
呢間餐廳真係多乜謝，下次黎做野，盡可能都係睇其他餐廳算。
2
