漫花燈火OMG (已結業)

一直都人氣高企既餐廳,book左成個月終於有得食😍呢度以萬花筒做主題,打開門再揭開黑色布幕,就會進入由幾百面鏡組成,色彩繽紛既萬花筒隧道,行到隧道盡頭就會見到好夢幻,周圍都係糖果色既彩虹世界,入到來少女心一下子大爆發,呢度直係靚到難以形容,一直沉醉其中,直到夠鐘離開都唔捨得走☆自家製酥皮黑魚籽牛油果煙三文魚水牛芝士波波他他香脆既酥皮圓形頂上放左D黑魚子,內裡就一層一層咁加左各種餡料,有牛油果蓉同煙三文魚等等,最上面個層仲有粒水牛芝士波波,食起來唔會覺得好膩,仲幾好味!☆潘朵拉的盒子-延續想食內裡既黑色竹炭蛋糕,首先要用錘仔敲碎透明粉紅色糖既罩,切開會流出粉紅色同藍色既忌廉,黑芝麻,花生同粒粒麻糬等等,味道唔會好甜,而外層既竹炭曲奇硬硬地,食起來幾有口感☆OMG 5C共有5款果汁,顏色鮮艷,一次過可以飲到多款新鮮混合既果汁,杯邊仲加左D糖粒,飲落好清新好好味▪車厘茄及山楂▪香橙及白桃▪菠蘿及荔枝▪青提子及青蘋果▪火龍果及紅桑子☆南非草本用上甘菊,檸檬香脂,茴香泡既熱荼,飲到比較濃既青草味,如果食濟左,最岩飲來消濟!