漫花燈火OMG (已結業)

餐廳門口係粉紅色嘅大門，打開門口會經過漆黑嘅布幕，黑暗中嘅第一線光係來自破碎嘅萬花筒世界。穿過萬花筒就會嚟到餐廳嘅大堂，天花上係紫色嘅紫藤花，而牆身亦都用左彩虹嘅顏色，第一個感覺就係不如打左卡先。自家製鰹魚南瓜濃湯 $68湯身比較濃稠又香甜，可以配上小麵包一齊食用，口感更佳。有機開心果法式慢煮寶雲酥澳洲羊架 $348寶雲酥傳統上會用上麵包糠、芥末醬和香草。餐廳特別在於加入有機開心果，所以你會見到羊架嘅外皮係綠色嘅。第一啖會試到外層嘅開心果麵包糠嘅香脆，然後會嘗到芥末嘅辛辣味，到最後羊架嘅肉脂香，非常有層次嘅一道菜。黑魚籽麵包蟹意大利飯 $228菜式用左一整塊麵包蟹蓋，放在顏色繽紛嘅碎石上面。蟹蓋上面係意大利飯、新鮮蟹肉和黑魚籽。蟹肉鮮甜，飯粒軟硬適中，有海鮮湯嘅味道。潘多拉的盒子 $168好好玩嘅一道甜品，首先敲碎外層嘅透明糖衣，實測試過都要比多少少力。而內層係朱古力盒子，切開仲有流心忌廉添，呢款甜品真係好有趣味性。漫花燈火OMG (土瓜灣)土瓜灣九龍城道68號瑧尚U PLACE2樓201號舖