漫花燈火OMG (已結業)

以萬花筒為主題的餐廳，深受KOL歡迎，booking都要一個月前。為左今餐下午茶，特登拎假，就係為左漫天燈火嘅萬花筒。餐廳嘅設計真係好靚，七彩顏色的裝飾，顏色鮮艷，色彩繽紛。大部份食客都會離開餐桌周圍去打卡，入口仲有多面鏡子，做到萬花筒嘅效果。所有食物擺盤非常精美，每款都係相機食先。牛油果煙三文魚水牛芝士波波他他，味道一般，牛肉果味同芝士都唔突出。慢煮比利時豬鞍伴香甜番薯條，豬鞍好大件，肉質嫰滑，味道適中，唔會太老。蕃薯條香甜脆口，食唔停口。OMG 5C，有多種唔同果汁，唔同味道嘅配搭都幾相襯，唔會太over, 而且杯邊貼左少少糖，飲起黎更係甜入心。潘朵拉的盒子，外層糖膠較甜，味道一般。餐廳環境好靚，食物整體還好，但價錢就略貴，黎一次打下咭都唔錯嘅。