BRICK LANE (中信大廈)

营业中

休息中

一到萬聖節,好多餐廳都會推出萬聖節主題的菜式,有些菜式的賣相甚至乎做得好驚嚇。今晚我揀選的萬聖節菜式驚嚇度就冇啦,反而質素就不錯。餐廳以深色格調為主,牆上掛住白色單車做裝飾,好搶眼。安息吧! 鮮蝦意大利飯菜式上的萬聖節元素就是十字架形狀的翠玉瓜,但吸引我的,反而是黃色的意大利飯。意大利飯用上南瓜去煮,好香甜好creamy,而且飯粒煙韌,好味。當然少不了主角 - 鮮蝦。略煎後的蝦肉好香口,而且彈牙。地獄之火-火焰美國頂級牛肉漢堡賣相有驚喜!睇見侍應將酒精倒出來後, 漢堡突然之間着火,冒起藍色火焰,不過大概燒十幾秒後,酒精發揮左就會熄滅。漢堡份量好大,牛肉扒厚身,牛味重,夾埋其他配料食,正!而配角酥炸魷魚鬚都好香口,又有咬口,比起平時配搭薯條的組合,更覺有新意。即焗酥皮蘋果類似碟形的酥皮超香脆,而中間的蘋果混有Rum酒及玉桂粉,腍腍地又甜甜地,加入少少吉士漿更覺味美。