影片
更多
2021-05-24
15 浏览
同朋友嚟到佐敦搵食，估唔到原來而家佐敦開咗咁多食店，乜嘢類型都有，但係由於呢排食得太Heavy，天氣又好熱，搞到個人冇乜胃口，唔想食飯，咁啱經過火五，見佢啱啱有位，就入去試吓啦！🚂火五火車頭牛肉湯檬 $62食材有生牛肉，熟牛肉，和牛牛丸同扎肉。食Pho最重要係個湯底，呢碗湯底好重牛肉味，好濃但唔會好咸嗰種，湯檬好吸收湯底味亦好掛湯，熟牛肉好嫩滑好淋仲好重牛肉味！重點嚟喇，我從來都唔鍾意食牛丸，但係呢度嘅牛丸改變左我，我係從來都未食過一粒咁爽口彈牙咁牛肉味嘅牛丸，初初仲以為係普通牛丸，點知原來係和牛牛丸，omg!!! This is so delicious！我到而家仲係念念不忘！🦈越式魚翅花膠雞湯河 $59我本人就唔食魚翅嘅，但係朋友見到個名咁特別就叫一碗嚟試吓啦，好清新嘅雞湯湯底，雞湯最怕就係成碗雞油，但係佢哋將雞油已經一早隔走晒，所以個湯係非常之清，而且雞湯味亦都好出！雞件亦都好滑！🐥意大利黑醋汁蒜蓉牛油雞翼 $39雞翼好大隻啊，第一次食呢個combination 嘅雞翼。首先雞翼炸得好脆口，亦都落咗好多蒜蓉去炸，但係粉漿一啲都唔厚，炸完之後喺面加一啲黑醋汁，黑醋汁亦都唔會好酸，同
🚂火五火車頭牛肉湯檬 $62
食材有生牛肉，熟牛肉，和牛牛丸同扎肉。食Pho最重要係個湯底，呢碗湯底好重牛肉味，好濃但唔會好咸嗰種，湯檬好吸收湯底味亦好掛湯，熟牛肉好嫩滑好淋仲好重牛肉味！重點嚟喇，我從來都唔鍾意食牛丸，但係呢度嘅牛丸改變左我，我係從來都未食過一粒咁爽口彈牙咁牛肉味嘅牛丸，初初仲以為係普通牛丸，點知原來係和牛牛丸，omg!!! This is so delicious！我到而家仲係念念不忘！
🦈越式魚翅花膠雞湯河 $59
我本人就唔食魚翅嘅，但係朋友見到個名咁特別就叫一碗嚟試吓啦，好清新嘅雞湯湯底，雞湯最怕就係成碗雞油，但係佢哋將雞油已經一早隔走晒，所以個湯係非常之清，而且雞湯味亦都好出！雞件亦都好滑！
🐥意大利黑醋汁蒜蓉牛油雞翼 $39
雞翼好大隻啊，第一次食呢個combination 嘅雞翼。首先雞翼炸得好脆口，亦都落咗好多蒜蓉去炸，但係粉漿一啲都唔厚，炸完之後喺面加一啲黑醋汁，黑醋汁亦都唔會好酸，同蒜蓉雞翼嘅味道都非常之夾！雞翼都唔會炸得好乾，入面仍然保持得好Juicy！
🥤凍越南三色冰 $19
本身已經戒咗凍飲，但係當日天氣實在係太焗太熱，忍唔住要叫一杯凍飲，好大杯啊！好重椰汁味，唔會過甜，但係略嫌綠色粉條唔夠多，爭少少口感，但係整體來講都係非常之好飲！
🥥凍越南椰汁冰 $19
材料係由椰子水同椰肉沖調，味道好清新，唔會太甜，非常之解渴！
我冇諗過而家食Pho都可以有一間價錢咁經濟，份量大大碗，而且係非常好食！碗粉大到我食唔晒，嘢飲又抵又大杯，食完呢餐真係飽到上心口！雖然佢嘅鋪面好細，但係買外賣嘅人都非常之多，見到店員接外賣都接唔切！
张贴
