菲菲麵館 (已結業)

菲菲麵館～為於觀塘嘅呢一間餐廳，主打車仔麵，除咗普通嘅車仔麵之外，仲有好幾款唔同主題嘅麵食。而環境都十分好，非常寬敞舒適，可能係因為樓上鋪，租金比較冇咁貴，冇咁寸金尺土。今次就叫咗呢款用牛做主題嘅麵食，「牛魔王」，分別有牛腩、牛筋、牛展、牛脷、牛尾等等，份量都比想像中多，而湯底就揀咗沙嗲，飲落比較甜同有少少拿喉，加返少少辣椒油就啱啱好。而每樣餸都好有牛味，特別係牛筋嘅部分，入味得黎又幾彈牙。如果怕悶的話，佢都有啲幾具有挑戰性，例如有個係牛鞭牛波子麵，唔單止重口味仲好補添！