上三兩 (已結業)

呢個蟹宴非常之特別，無論係佢嘅食品，裝修同埋餐具上邊都好似宮庭式咁嘅享受！佢唔同一般傳統嘅蟹宴佢用咗中西合璧嘅去融為一體，賣相同埋食物嘅味道都比一般高質！我自己特別鍾意佢個花雕酒架，我同朋友不停喺度影相，佢將最頂層嘅花雕酒倒入去器皿嘅洞口裏面，花雕酒就會向下分別流入唔同嘅酒杯，而酒杯裏面有唔同嘅配料味道！包括陳皮花雕，話梅花雕，桂圓花雕同薑汁花雕等等。我自己最鍾意薑汁花雕，因為佢個薑味超級濃郁！但又唔會覺得薑到食唔到！食物方面我個人覺得個蟹粉石鍋拌飯最好食，廚師將蟹黃將倒入石鍋拌飯裏面攪拌，現場出嚟嘅味道特別香同埋濃郁！但係一定要趁熱食，因為特別飯同醬合為一體好match！非常之啱鍾意食蟹嘅我！😌😌😌