Lunch menu選擇很多， 大部分都好吸引， 唔怕你揀唔到，至怕你選擇困難。 話明食法國菜，咁就要試下法國經典菜式 - 慢煮油封鴨髀($158)， 呢種法式煮法能保持肉質鮮嫩， 油浸之後再稍為略略煎香，令鴨皮香脆， 這隻鴨髀都能做到外脆內嫩， 配菜除了紫椰菜和薯蓉之外，還有紅酒香梨，清香爽脆， 與鴨髀十分配搭。
北海道帶子配黑松露意大利飯($120) 是比較大路和多人喜歡的菜式， 這道菜最值得讚賞的是帶子，北海道帶子用牛油煎香，煎得金黃色，牛油味香濃， 外層微脆，亦品嚐到帶子的鮮甜， 意大利飯忌廉味濃，黑松露味稍為弱了一點， 口感做到有咬勁的標準。
午市套餐配有餐湯、小沙律和飲品，可以加$15升級至龍蝦湯，龍蝦味非常香濃，口感細滑， 強烈推薦升級品嚐一下，旁邊的沙律有藜麥， 用芒果汁調味，比較少見，配搭唔錯
