滾得囍宮廷火鍋小炒 (已改名) 查看

係呀，我又打邊爐喇😂😂😂又一間行走中國宮廷風嘅火鍋店。湯底點左嘉慶椰子藏雞濃湯鍋$298，椰子味香濃，加埋雞湯。間直可以係未打邊爐之前飲幾啖當湯水咁飲😋黃金響鈴(秘製鹹蛋黃醬)$78，響鈴本身即炸已經好鬼好食，而呢個響鈴仲要加埋鹹蛋黃醬簡直將成個味道嘅層次昇華。滾得囍宮廷丸拼盤$138，分別有五種丸類，每種兩粒。咁就可以一人一粒唔洗爭。我自己最鍾意墨魚🦑丸。穀飼牛牛舌片$298，牛味好香，牛舌入口即溶，唔洗點醬汁都好好食。大扇貝$128，新鮮，食落好爽彈而且唔會有沙。雖然唔算好大隻。但隻隻都好肥美。