華鳥風月 (已結業)

今晚朋友帶左小妹去銅鑼灣食好西, 一出lift就會見到一行吧枱, 一行普通座位, 吧枱用左深灰石質材料, 影相不錯! 🌟靜岡縣水果茄沙律沙律菜清新爽脆, 蕃茄仔清甜多汁🌟海膽松葉蟹肉拖羅他他材料十分豐富, 將最正嘅海鮮合埋一齊, 味道鮮甜味美🌟精選燒物四種燒物有虎蝦, 雞皮, 阿波尾雞翼, 秋葵同大蔥, 串燒燒得好香, 小妹比較中意食雞翼, 雞翼好大隻, 外脆內嫩多汁🌟鵝肝茶碗蒸鵝肝好香, 口感軟綿, 估唔到同蒸雞蛋幾夾🌟金鏻鯛配自家制宮崎粟米蓉金鏻鯛外層香脆, 肉質厚實嫩滑, 配搭香甜嘅栗米蓉, 份外美味🌟燒飯團燒飯團點左明太子同辣味噌兩款口味, 飯團燒得好脆, 有微微飯焦, 加埋惹味嘅醬汁好滿足!🌟精選甜品今日嘅甜品係抹茶蕨餅, 抹茶味濃郁帶回甘, 蕨餅口感煙煙韌韌唔太甜