影片
更多
2022-12-14
16 浏览
上次經過見到哩間餐廳以木為主的裝修覺得好舒服，已經好想試下。領日經過仔細睇Menu見到佢地有火鍋，岩晒依家轉冷的天氣，於是便決定今晚就於此晚餐。.水炊鍋 ($328)來自福岡的華味鳥水炊鍋，簡單以雞湯做鍋底，加上新鮮食材 (雞同野菜)，美味又暖身，真係好適合秋冬。.以華味鳥雞肉製成的雞湯湯底，清甜又鮮味，飲得到啖啖華味鳥的精華。.店員會幫忙將雞拼盤放落鍋，雞拼盤好豐富，包括了雞脾肉、雞翼、雞肝和雞肉丸。雞的質素非常好，每款都好新鮮，雞肉好嫩滑，就算連雞皮一齊食都唔會覺得太油膩。雞肝完全無苦澀同腥味，食落粉嫩。.除左雞拼盤，仲有一碟份量好多的野菜拼盤，有冬菇、娃娃葉、京蔥等。餐廳建議食完雞後才放野菜入鍋，等湯底可以更加濃郁。.餐廳仲準備了柚子醋配這水炊鍋，酸酸地既能提味，又可解滯。食到最後將柚子醋倒入湯底，令雞湯味道更添層次。.溫泉蛋牛魔王鍋飯 ($118)牛魔王包括了牛舌、牛柳粒和牛肉，滿滿的配料加上溫泉蛋，味道同口感都好豐富。.鵝肝串 ($68)勁大件鵝肝，味道好鮮好濃郁，完全沒有苦澀或羶味。燒得剛好，保持著鵝肝的油脂，所以肉質軟嫩，真係有入口即溶的感覺。.哩度有唔同部位的雞串燒，有
上次經過見到哩間餐廳以木為主的裝修覺得好舒服，已經好想試下。領日經過仔細睇Menu見到佢地有火鍋，岩晒依家轉冷的天氣，於是便決定今晚就於此晚餐。
.
水炊鍋 ($328)
來自福岡的華味鳥水炊鍋，簡單以雞湯做鍋底，加上新鮮食材 (雞同野菜)，美味又暖身，真係好適合秋冬。
.
以華味鳥雞肉製成的雞湯湯底，清甜又鮮味，飲得到啖啖華味鳥的精華。
.
店員會幫忙將雞拼盤放落鍋，雞拼盤好豐富，包括了雞脾肉、雞翼、雞肝和雞肉丸。雞的質素非常好，每款都好新鮮，雞肉好嫩滑，就算連雞皮一齊食都唔會覺得太油膩。雞肝完全無苦澀同腥味，食落粉嫩。
.
除左雞拼盤，仲有一碟份量好多的野菜拼盤，有冬菇、娃娃葉、京蔥等。餐廳建議食完雞後才放野菜入鍋，等湯底可以更加濃郁。
.
餐廳仲準備了柚子醋配這水炊鍋，酸酸地既能提味，又可解滯。食到最後將柚子醋倒入湯底，令雞湯味道更添層次。
.
溫泉蛋牛魔王鍋飯 ($118)
牛魔王包括了牛舌、牛柳粒和牛肉，滿滿的配料加上溫泉蛋，味道同口感都好豐富。
.
鵝肝串 ($68)
勁大件鵝肝，味道好鮮好濃郁，完全沒有苦澀或羶味。燒得剛好，保持著鵝肝的油脂，所以肉質軟嫩，真係有入口即溶的感覺。
.
哩度有唔同部位的雞串燒，有些仲係市面上比較少見的，如雞冠、雞心、雞爽肉等。我地都選擇了之前未食過的部位，2款都燒得好好味。
.
鹽燒雞爽肉串 ($34)
為連住軟骨的雞肉，鮮嫩雞肉同爽脆軟骨，食落口感好有趣。簡單用鹽燒已經夠帶出雞肉香味。
.
汁燒雞胸軟骨串 ($34)
同一般的雞軟骨的口感完全不一樣，雞胸軟骨食落都爽脆但較軟身。
张贴
