華星客棧

今日lunch嚟食咗個叉蛋飯lunch set，五十個大洋包嘢飲，個飯味道一般，蛋就唔錯，但叉燒得四、五片，其實都預咗係咁上下。
不過，凍飲話明加＄2，叫咗凍華田，最後埋單變咗加＄10(有單有真相)，而餐牌上亦唔見有講明凍田係要再加錢！
Fine, 如果佢夠好飲都算，但係非常淡！好強烈俾人搶錢嘅感覺！
去過咁多間茶餐廳同冰室，真係未試過華田係會收得比其他凍飲貴，可能華田呢排加咗價，或者係我見識少，呢次真係大開眼界！