影片
更多
2010-03-13
9 浏览
星期二、三連續兩日去咗華星冰室食午餐。 同其他食肆一樣，一到午飯時間，門口就排咗成條隊等入座，唔同嘅係華星冰室門口條隊去得特別快，唔駛幾分鐘就可以入座，而且啲伙記仲鬼咁好禮，“我幫你吖”“唔該晒”不絕於耳。食物方面主要係做常餐，唔覺意仲以為呢間係佐敦澳洲牛奶公司嘅分店添，無論係價錢同食物款式都一模一樣。 打聽下先知原來老板係佐敦澳洲牛奶公司嘅常客，因為太鍾意啦，於是就將整個模式搬咗去灣仔，仲有幾個伙記過檔。 強調用北海道3.6牛乳同清真牛肉，伙記唔單只快仲後生兼有禮，加上同唱片公司有淵源，得到歌手出力支持，真係未比試食物，就赢咗第一回合。星期二 – 常餐$28叉燒意粉：印象中澳洲牛奶公司嘅湯底好靚，呢度就好似鹹啲，不過咁樣啲意粉先夠味嘛！ 要再去澳洲牛奶公司食多次先作定論。 叉燒太少，意粉無乜特別……叫咗先發覺週圍都食牛肉通粉，一定有原因，要再來先得！炒蛋、火腿、牛油多士：炒蛋又多又香，但係就無想像中滑，多士比牛記厚，我最鍾意就係整“腿蛋治烘底”，炒蛋多到放唔晒，製成品成兩吋，點咬？從中間落口！ 啲蛋就由左右兩邊擠返出來，狼狽！但係又好享受……奶茶：唔錯，茶奶分量剛好，最特別係有奶味之
星期二 – 常餐$28
叉燒意粉：印象中澳洲牛奶公司嘅湯底好靚，呢度就好似鹹啲，不過咁樣啲意粉先夠味嘛！ 要再去澳洲牛奶公司食多次先作定論。 叉燒太少，意粉無乜特別……叫咗先發覺週圍都食牛肉通粉，一定有原因，要再來先得！
炒蛋、火腿、牛油多士：炒蛋又多又香，但係就無想像中滑，多士比牛記厚，我最鍾意就係整“腿蛋治烘底”，炒蛋多到放唔晒，製成品成兩吋，點咬？從中間落口！ 啲蛋就由左右兩邊擠返出來，狼狽！但係又好享受……
奶茶：唔錯，茶奶分量剛好，最特別係有奶味之餘又唔杰唔漏，唔似其他奶茶飲完後漿住個口而需要飲水。
星期三 – 常餐$28 ＋奶油豬$12
牛肉通粉：牛肉幾軟熟，啲紋理唔會醃到消失晒，通粉比意粉好，但係桃園麵家茶餐廳啲通粉就彈牙過佢。
炒蛋、火腿、牛油多士：食過桃園嘅奄列先知呢度啲蛋咁香咁黃，多士就更加無得比！
奶茶：同尋日一樣。
奶油豬：飽底新鮮，外脆內軟，應該只係烘咗搽醬面，其餘部份無烘嘅痕跡，應該只係微烘或根本係個飽新鮮。 牛油滲晒入飽裏面，好油但係又好好味，鹹中帶甜，味道豐富。 咁係咪證明咗澳洲科學家嘅講法：人除咗能夠分辨出五味，仲能夠分辨出第六味——脂肪呢？
张贴
