華昌粥麵燒腊飯店 (已結業)

華昌裝修左成個幾月。呢間鋪今次終於大變身。殺左一半卡位，棄置了用左十幾廿年的圓枱八仙凳，改成好似坐得舒服實在唔舒服的現代設計。可能現代設計的目的是客如輪轉，不要再坐一會。講到老板伙計的面口呢......多年如是，習慣矣。太古城西食店的食物一向麻麻，華昌尤甚。鹼水味、味精味無處不在，甚至菜肉雲吞也不倖免。麵唔彈牙，粥無米香。燒臘有時早上送到佢未開門，班大哥就放響門口，所以我從來唔食佢的燒味。唔幫趁？我都想，不過唔多得喎。城內街坊食店買少見少，重得佢開到十一點。