影片
更多
2015-10-23
1627 浏览
華嫂冰室係觀塘開左分店，當然比元朗就腳好多啦，但地點位於觀塘工廠區附近，係麗港城隔離，唔近地鐵站，所以揾路揾左一陣，諗住成2點幾又唔係食飯時間應該少人d，點知去到都大排長龍，烈日當空下排到出哂汗，又曬又熱，真係有d想放棄，但排左差不多1個鐘終於到我地啦！入到去依然都好多人，大家坐到迫迫共，啱啱開業，而且又係fb瘋傳，都屬於正常既，既然排左咁耐當然要叫多d野食啦！我之前就未食過華嫂冰室，所以專登上網睇係有咩係多人食同必食，見到個招牌菠蘿包同蕃茄湯通粉個個都食，我地都唔例外叫埋一份，再叫多個米粉同兩杯野飲檸檬益力多$17:其實無乜特別，但多左檸檬既清香，一定好飲既凍啡$15:一樣無特別，其實都唔期望凍啡會有咩令人驚喜招牌菠蘿包$17:黎到熱辣辣，菠蘿包個皮好鬆脆好香，仲有一大舊牛油，食一啖口裏面充滿牛油香，另外仲有煎蛋同蕃茄，令到成個包個味道同層次更加豐富豬扒雞翼蕃茄湯通粉$43:湯底結身，以為食落去會好濃味，但蕃茄味唔出，而且唔夠咸，不過諗好d咪當佢無落味精囉，但都有d失望，湯就幾多，但通粉就幾少下，好快就食哂d通粉淨番大兜湯，而豬扒同雞翼就無乜特別豬扒雞翼冬陰公米粉$45:冬陰公少少辣
檸檬益力多$17:其實無乜特別，但多左檸檬既清香，一定好飲既凍啡$15:一樣無特別，其實都唔期望凍啡會有咩令人驚喜
招牌菠蘿包$17:黎到熱辣辣，菠蘿包個皮好鬆脆好香，仲有一大舊牛油，食一啖口裏面充滿牛油香，另外仲有煎蛋同蕃茄，令到成個包個味道同層次更加豐富
豬扒雞翼蕃茄湯通粉$43:湯底結身，以為食落去會好濃味，但蕃茄味唔出，而且唔夠咸，不過諗好d咪當佢無落味精囉，但都有d失望，湯就幾多，但通粉就幾少下，好快就食哂d通粉淨番大兜湯，而豬扒同雞翼就無乜特別
豬扒雞翼冬陰公米粉$45:冬陰公少少辣，偏酸，撈埋米粉食都無令到個湯底變淡，個人幾鐘意呢個其實成餐飯雖然都幾好食，但就無咩令到人特別驚喜，不過羊群心理試下都無仿既
张贴
