滿福樓

週日打完麻雀，牌友六人就去咗一間大家不時都會幫襯o既「滿福樓」度開餐。由於之前已為餐廳寫過食評，深覺食物水準一向有保證，故今次再臨原本都只係諗住簡單影兩張相打吓咭就算，點知食飯中途發生咗段小插曲，令細佬不得不在此作出新評。

屬酒店餐廳o既「滿福樓」舊年曾經裝修過，間隔冇乜大轉變，樓底一如以往般高，環境最明顯係新淨光鮮咗。最值得表揚o既就係負責我地張枱嗰位Ken哥，其態度極之誠懇，而且很是體貼！事因年過七旬但外型仍英偉非常o既蕃薯Uncle食食吓飯哽到雞骨，單睇表情足以知道佢好唔舒服，小肥就急忙搵大肥爸爸求救，可能情急下講電話o既聲線比較大，又提到可能要去急症室，Ken哥聽聞即趕上前問及有否能幫得上o既地方，我地有任何需要佢都盡力幫忙，當真落力又有心！有陣時真係唔好唔信邪，蕃薯Uncle當日一個輸三個，破咗財擋咗災，結果大肥一條秘方就成功搞掂咗哽骨事件，大家都鬆一口氣。

2

花盤擺設

當晚叫餸由XO仔發辦，五樣餸中叉燒同手打魚腐均為招牌菜。

1

蜜汁烤叉燒，花雕牛肋條煲，沙薑香妃手撕雞，蒜茸炒豆苗，魚湯手打魚腐浸時蔬

蜜汁烤叉燒（$250/例）：半肥瘦o既靚叉燒皮脆肉鬆軟，蜜汁調味甜美可口，長輩門都話。

1

蜜汁烤叉燒（$250/例）

$250

花雕牛肋條煲（$290）：經理哥哥推介o既牛肋條煲熱辣香濃，牛肋條肉質厚而半帶軟腍，一啲都唔嚡唔乾，雖則話係用花雕吊味，但其淡薄o既香氣又唔會話好搶，大家都覺得好有驚喜。

1

花雕牛肋條煲（$290）

$290

沙薑香妃手撕雞（$240/半隻；$480/一隻）：個人覺得個微辣o既手撕雞都幾嫩滑惹味，除咗雞肶同雞翼位之外全部都去哂骨，最啱好似XO仔咁怕骨o既朋友食，不過如果個「沙薑」可以改為「麻油」，效果可能會更為清新。

1

沙薑香妃手撕雞（$240/半隻；$480/一隻）

$240

蒜茸炒豆苗（$260）：翠綠色o既豆苗嫩中帶脆，香甜美味。

1

蒜茸炒豆苗（$260）

$260

魚湯手打魚腐浸時蔬（$198）：如相所示，手打魚腐粒粒都脹卜卜，睇頭十足！

1

魚湯手打魚腐浸時蔬（$198）

$198

Ken哥喺出邊幫我地分成六碗後，魚腐都未見縮水，勁呀！魚湯濃而不俗，雜菜清脆爽甜，手打魚腐鬆軟爽脆，鮮味無窮，實屬必吃之選！

3

魚湯手打魚腐浸時蔬（$198）

$198

香蜜蛋散（$48）：蛋散鬆化香脆，甜而不溜，正當大家都不斷話飽時，卻又一分鐘內清碟，咁即係唔錯啦！

1

香蜜蛋散（$48）

$48

「滿福樓」環境高雅衛生，菜式精美高質，當中手打魚腐可算為代表作，最重要係服務生不單客套有禮，其關懷細心之情更能令食客可以安心進食，實屬難得。