嫲嫲雲吞雞 (首都廣場) (已結業)

平日下午四點幾撞正店員食飯時間，喺門口等咗一陣先有人嚟帶位。餐廳menu款式多樣，最正係可以叫半份，可以食多幾味。之前睇果籽介紹過，滿心期待叫咗酸菜魚，酸味唔重，魚都唔腥，但食到魚鱗，味道唔出眾。另外叫咗水煮牛肉，味道重麻少辣，食咗一舊成個咀麻晒。仲有食咗酸菜豬頸肉不過不失。蒜香排骨炸得好乾身，排骨本身半肥瘦，唔會柴。涼拌萵筍，切得太細唔夠爽口，調味少少酸開胃。總結全部食物味道一般，冇咩驚艷。路過可以試下。