醋娘子 (已結業)

前日係上環食咗一間叫「醋娘子」的小店，款式多多，上海、四川、湖南菜等等都有得揀，五花八門，試過都幾值得推介。首先試咗賽螃蟹，蛋白份量十分多，鑊氣好夠，撈勻蛋黃食好鮮甜，唯一缺點係太多油，但整體而言可以接受。黎到主打上海菜的菜館點可以唔叫小籠包！？小籠包皮薄餡靚，肉汁充滿係包心裡面，一啖一粒好滋味！再叫了一人份量的雲吞雞。試過個湯都幾清甜，唔係味精湯。雞肉好多，雲吞都吸收了雞湯的精華，正又點了一碟滷水牛柏葉。即使當晚都接近9成滿座，但上台速度很快。牛柏葉好爽，份量也好多，吸收咗滷水味道，唔怕太濃味，都啱送飯食。凍檸茶少冰，檸檬俾3塊，難得老闆咁大方，杯都幾深下，一杯飲足全晚！